დეპუტატი და პოლიტიკური მოძრაობის „რეგიონები საქართველოსთვის“ დამფუძნებელი ტარიელ ნაკაიძე, საპარლამენტო არჩევნების წინ, დავით ქაცარავას მიერ შექმნილ პარტიას „ჩვენ“ შეუერთდა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
როგორც დავით ქაცარავამ დღეს გამართულ ბრიფინგზე თქვა, ტარიელ ნაკაიძე საზოგადოებისთვის კარგად არის ცნობილი ეთნიკურ და რელიგიურ უმცირესობათა ჯგუფებთან მუშაობის გამოცდილებით. „ამ ერთობით ჩვენ ძალიან მნიშვნელოვან საერთო ბრძოლაში შევდივართ“, - აღნიშნა ქაცარავამ.
განცხადება გააკეთა ტარიელ ნაკაიძემაც. მისი თქმით, „ჩვენ“ საქართველოს პარლამენტში წარმოადგენს მოსახლეობის იმ ნაწილს, რომელიც იჩაგრება და რომლის ხმაც არ ისმის საკანონმდებლო ორგანოში.
„ამ პოლიტიკურ გაერთაინებასთან ერთად არჩევნებში მონაწილეობა ძალიან მნიშვნელოვანია და ვფიქრობ, რომ ჩვენ ძალიან სერიოზულ სინერგიას შევქმნით. მოვუწოდებ ყველას, ჩვენს ამომრჩევლებს, მხარი დაუჭირონ ამ გაერთიანებას, გააფერადონ ნომერი 23“, - განაცხადა ნაკაიძემ.
„ანტისაოკუპაციო მოძრაობის“ ლიდერმა, დავით ქაცარავამ პოლიტიკური პარტია „ჩვენ“ აგვისტოში დააფუძნა. პარტიის წევრებს შორის არიან ადვოკატი მიხეილ რამიშვილი, კონფლიქტოლოგი აკია ბარბაქაძე და მსახიობი კახა გოგიძე.
საპარლამენტო არჩევნები 26 ოქტომბერს, 5%-იანი ბარიერით ჩატარდება. ამომრჩევლები საქართველოს პარლამენტის 150 დეპუტატს პროპორციული საარჩევნო სისტემის საფუძველზე ოთხი წლის ვადით აირჩევენ.
