Թբիլիսիի վերաքննիչ դատարանը մերժել է լրագրող Էկա Կվեսիտաձեի բողոքը և ուժի մեջ է թողել քաղաքային դատարանի որոշումը՝ պարտավորեցնելով նրան վճարել 25 հազար լարի հօգուտ «Ռուսթավի 2» հեռուստաընկերության։
Լրահոս
Ընթերցողի ընտրանի
- 1 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 2 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 3 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 4 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
- 5 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 6 ԿԸՀ-ի դիմումի հիման վրա կառավարությունը հոկտեմբերի 25-ը հայտարարել է ոչ աշխատանքային օր
«Վերաքննիչ դատարանը շարունակեց քաղաքային դատարանի սահմանած արատավոր պրակտիկան, որը խախտում է աշխատանքային օրենսդրությունը։ Հատկապես կարևոր է, որ «Ռուսթավի 2»-ի օգտին վնասի փոխհատուցում է տրվել Էկա Կվեսիտաձեին։ Սա պատժամիջոց է, որը պայմանավորված էր «Ռուսթավի 2»-ի արարքով, երբ «Ռուսթավի 2»-ն ինքն է աշխատանքից ազատել Էկա Կվեսիտաձեին։ Տագնապալի է, որ աշխատանքից ազատվածը պարտավոր է «Ռուսթավի 2»-ին վճարել 25 հազար լարի։ Ցավոք, և՛ քաղաքային, և՛ վերաքննիչ դատարանը գործի հիմնական ապացույցները թողեցին գնահատականից դուրս և հաստատեցին այս պրակտիկան», - ասել է «Վրաստանի երիտասարդ իրավաբանների ասոցիացիայի» նախագահ Նոնա Քուրդովանիձեն։
Էկա Կվեսիտաձեն 2019 թվականին դատի է տվել «Ռուսթավի 2»-ին, քանի որ կարծում էր, որ հեռուստաընկերության նոր գլխավոր տնօրեն Պաատա Սալիան իրեն ապօրինաբար է ազատել աշխատանքից։ Լրագրողը պահանջել է չեղյալ համարել խտրականության հիմքով ստացած աշխատանքից ազատման հրամանը, վերականգնել իր պաշտոնը, փոխհատուցել հարկադիր բացակայության դիմաց և վճարել աշխատավարձի պարտքը, որը «Ռուսթավի 2»-ն ուներ իր նկատմամբ։
2022 թվականին Թբիլիսիի քաղաքային դատարանը Կվեսիտաձեի պաշտոնանկությունը օրինական է ճանաչել և «Ռուսթավի 2»-ին հանձնարարել է վճարել միայն 13 հազար լարի՝ աշխատանքային ժամանակահատվածի համար։ Բացի այդ, դատարանը որոշել է, որ լրագրողը խախտել է աշխատանքային պայմանագրի պայմանները, որը արտահայտվել է «Մթավարի արխի»-ում աշխատանքը շարունակելով, և պարտավորեցրել է նրան վճարել 25 հազար լարի՝ հօգուտ «Ռուսթավի 2»-ի։
Էկա Կվեսիտաձեի խոսքերով, վերաքննիչ դատարանի որոշումը իր համար անակնկալ չէր.
«Իմ գործը տեղավորվում է լրատվամիջոցների դեմ պայքարի համատեքստում, որը պատժի ու ցինիզմի քաղաքականությունն է։ Նույն ցինիզմը, որով ձերբակալվել է Նիկա Գվարամիան [«Մթավարի արխի»-ի գլխավոր տնօրեն]։ Մենք կարող ենք ձեզ մեղադրել ցանկացած բանի համար, տուգանել ձեզ ցանկացած պատճառով կամ բանտ նստեցնել, մենք կարող ենք դա անել, և մեզ մոտ ամեն ինչ կստացվի՝ սա է մեսիջը: Իհարկե, մենք կհետևենք այս գործին մինչև վերջ և կդիմենք Վրաստանի բոլոր ատյաններում, թեև չենք ակնկալում, որ Գերագույն դատարանը այլ որոշում կկայացնի»,- ասել է լրագրողը։
«Ռուսթավի 2» հեռուստաընկերությունում կադրային փոփոխությունները սկսվել են 2019 թվականի հուլիսին, երբ Մարդու իրավունքների եվրոպական դատարանի որոշմամբ հեռուստաընկերության բաժնետոմսերը վերաձևակերպվել են նախկին սեփականատեր, գործարար Քիբար Խալվաշի կողմից։ Խալվաշին հեռացրել է հեռուստաալիքի այն ժամանակվա գլխավոր տնօրեն Նիկա Գվարամիային, իսկ նրա փոխարեն նշանակել սեփական փաստաբան Պաատա Սալիային։ Օգոստոսին Պաատա Սալիան պաշտոնանկ արեց հեռուստաալիքի առաջատար լրագրողներին, այդ թվում՝ տեղեկատվական ծառայության ղեկավար Նոդար Մելաձեին և հաղորդումների հաղորդավարներին՝ Գիորգի Գաբունիային, Էկա Կվեսիտաձեին և Նանուկա Ժորժոլիանիին։ Գրեթե ողջ թիմը ի նշան բողոքի լքեց «Ռուսթավի 2»-ը։ Մոտ մեկ ամսում Նիկա Գվարամիայի ղեկավարությամբ հիմնեցին «Մթավարի արխի» հեռուստաընկերությունը։
«Ռուսթավի 2»-ի դեմ դատարան են դիմել նաև Նոդար Մելաձեն և Նանուկա Ժորժոլիանին։ 2022 թվականին Թբիլիսիի քաղաքային դատարանը երկուսի ազատ արձակումն անօրինական է ճանաչել։ «Ռուսթավի 2»-ին պարտավորեցրել են Մելաձեին վճարել 80 հազար լարի, Ժորժոլիանիին՝ 82 հազար լարի։ Հեռուստաընկերությունը պատրաստվում էր բողոքարկել որոշումները։
