«Վրացական երազանքը» հերքում է, որ խորհրդարանական ընտրություններից առաջ իշխող թիմի ներկայացուցիչներն ու նրանց մերձավորները խլում են ընտրողների անձը հաստատող փաստաթղթերը։ Այս թեմայով կուսակցության գրասենյակում կայացած ճեպազրույցում խոսել է պատգամավոր Գիվի Միքանաձեն և կոչ արել միջազգային դիտորդներին հաշվի չառնել ընդդիմության տարածած «կեղծ տեղեկատվությունը»։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Քանի որ մոտենում են ընտրությունները, ընդդիմության և նրանց աջակցող լրատվամիջոցների ու հասարակական կազմակերպությունների կողմից ապատեղեկատվության քարոզարշավն ավելանում է։ Ուզում ենք ուշադրություն հրավիրել վերջին օրերին շրջանառվող այն ստի վրա, թե ի շահ «Վրացական երազանքի» ընտրողներից անձը հաստատող փաստաթղթեր են վերցվում։ Ստի այս տեսակ քարոզարշավը բնորոշ է արմատականներին։ ...առանց փաստերի ու ապացույցների կեղծ տեղեկություններ են տարածվում իշխող թիմին միտումնավոր վարկաբեկելու նպատակով»,- ասել է «Վրացական երազանքի» անդամը։
Գիվի Միքանաձեն արձագանքել է «Միասնություն-Ազգային շարժման» առաջնորդներից Թամար Կորձաիայի տարածած տեղեկատվությանը, ըստ որի՝ Ծնորիում, տարեցների կացարանում, 31 հոգուց` տարեցներից և հաստատության աշխատակիցներից, խլել են նրանց անձը հաստատող փաստաթղթերը և տարել «Վրացական երազանքի» գրասենյակ։
«Հոկտեմբերի 17-ին Թամար Կորձաիան ճեպազրույցում հայտարարեց, որ Ծնորիում «Վրացական երազանքի» ներկայացուցիչները խլել են ծերանոցում գտնվող 22 տարեցների և 9 աշխատակցի անձը հաստատող փաստաթղթերը և տարել գրասենյակ։ Կորձաիայի հայտարարությունը ցույց է տալիս, որ այս տեղեկությունը սուտ է, ըստ որի, մեջբերում եմ. «Մենք գիտենք այս հանցագործության հեղինակների անուններն ու ազգանունները, որոնց այսօր չենք նշի»։ Իրականում նույնականացման քարտեր չեն խլել, և դա կատարյալ սուտ է»,- ասել է Միքանաձեն։
Նա անդրադարձել է նաև «Մթավարի արխի» հեռուստաընկերության տարածած լուրին, ըստ որի Ռուսթավիի մաքրման ծառայության աշխատակիցները հաստատում են, որ «Վրացական երազանքի» ներկայացուցիչներին անձը հաստատող փաստաթղթեր են հանձնել։ Լրագրողը աշխատողների և մաքրման ծառայության ղեկավարներից մեկի հետ ծանոթացել է որպես իշխող կուսակցության աշխատակից։
«Հոկտեմբերի 17-ին «Մթավարի արխին» եթեր է հեռարձակել մի նյութ, որտեղ փորձել են մանիպուլացնել Ռուսթավիի մաքրման ծառայության աշխատակիցներին։ Տեսանյութի մեջ արտահայտված կեղծիքը փորձ է լարել իրավիճակը Ռուսթավիում ընտրություններից առաջ»,- Միքանաձեն ընդդիմադիր հեռուստաընկերություններին մեղադրել է «ընտրողների վրա ճնշում գործադրելու» մեջ։
«Վրացական երազանքը» միջազգային դիտորդական կազմակերպություններին կոչ է անում «անտեսել նույնականացման քարտերի հետ կապված կեղծիք պարունակող տեղեկությունները և իրենց զեկույցներում գնահատել ինչպես ընդդիմության ստերի կրկնությունը, այնպես էլ տեղական կազմակերպությունների դիրքավորումը նրանց աջակցության առումով»։
