«Վրացական երազանքը» նախատեսում է առաջիկա երկու ամսվա ընթացքում լրատվամիջոցների դեմ նոր ռեպրեսիվ օրենք ընդունել։ Այս մասին հայտարարել է կուսակցության գործադիր քարտուղար և այսպես կոչված խորհրդարանական մեծամասնության առաջնորդ Մամուկա Մդինարաձեն։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Ալիևը Հայաստանը անվանել է «ֆաշիստական պետություն» և ասել, որ «ֆաշիզմը պետք է ոչնչացվի»
- 4 Թրամփը առավելագույն ճնշում է գործադրելու Իրանի և Իրանի դաշնակից Իվանիշվիլիի ռեժիմի վրա․ Ուիլսոն
- 5 Բաթումիում խմբով հարձակվել են Գիորգի Գախարիայի վրա
- 6 ԱՄՆ-ն և Հայաստանը կստորագրեն ռազմավարական գործընկերության փաստաթուղթ
«Վաղվանից կսկսենք աշխատանքը և կնախաձեռնենք լրատվամիջոցների մասին օրենք, որը կընդունենք բրիտանական մոդելին ու օրենսդրությանը համապատասխան։
Օրենքը կսահմանի լրատվամիջոցների օբյեկտիվության, ինչպես նաև լրագրողական էթիկայի չափանիշներ։ Կսահմանվեն այդ ստանդարտների մոնիտորինգի և կիրառման ինստիտուցիոնալ մեխանիզմներ: Կսահմանափակվի օտարերկրյա աղբյուրներից լրատվամիջոցների ֆինանսավորումը։
Բնականաբար, դա չի վերաբերում կոմերցիոն գովազդից ստացված և նման այլ եկամուտներին»,- ասել է Մամուկա Մդինարաձեն։
Նրա խոսքով՝ կընդունեն նաև ամերիկյան Foreign Agents Registration Act-ի (FARA) գործող տարբերակի «ուղղակի պատճենը», քանի որ անցյալ տարի ընդունված ռուսական օրենքը ամբողջությամբ չի գործարկվել: Նախատեսված նոր օրենքի ընդունումից հետո ռուսական օրենքը կչեղարկվի։
«Անցյալ տարի խորհրդարանն ընդունեց FARA-ի թեթև տարբերակը, որը մենք դեռ ամբողջությամբ չենք գործարկել։ Սակայն, ինչպես գիտեք, չնայած դրա ուժի մեջ մտնելուն, արտաքին ֆինանսավորում ստացող մի քանի տասնյակ ամենահարուստ և խոշոր ՀԿ-ները նույնիսկ գրանցված չեն գրանցամատյանում։ Հետևաբար,
դրա փոխարեն մենք կընդունենք ամերիկյան նոր օրենք՝ դրա գործող տարբերակի ուղղակի պատճենը և կապահովենք դրա ամբողջական կիրարկումը։
«Մենք խոստանում ենք հանրությանը, որ որքան շատ լինեն ճնշումները, շանտաժները, Վրաստանի անկախությունը խախտելու, անկարգություններ և քաոս ստեղծելու փորձերը, այնքան ավելի կոշտ կլինի և կշարունակվի արձագանքը, ներառյալ իրավական և քաղաքական պատասխանները, այս ամենը կանխելու համար»,- ասել է Մամուկա Մդինարաձեն։
Բացի այդ, ըստ Մդինարաձեի, կառավարությունը կստեղծի հատուկ հիմնադրամ, որը կֆինանսավորի հասարակական կազմակերպությունների նախաձեռնությունները։
«Հասարակական կազմակերպությունները, որոնք ցանկանում են ապահովել, որ Վրաստանում իրականացվի ոչ թե օտար, այլ վրաց ժողովրդի ազդեցությունը, կկարողանան դրամաշնորհային ֆինանսավորում ստանալ կառավարությունից»,- ասել է նա։
Նման հիմնադրամի ստեղծումը դեռևս 2024 թվականի սեպտեմբերին պետք է տեղի ունենար, երբ վերջնական ուժի մեջ մտավ այսպես կոչված «օտարերկրյա գործակալների» մասին ռուսական օրենքը։ Այն ժամանակ վարչապետ Իրակլի Կոբախիձեն ասել էր, որ դրամաշնորհային ծրագրերի ֆինանսավորումը կսկսվի 2025 թվականի հունվարից:
