«Վրացական երազանքի» պատգամավորները, որոնք երեկ, խախտելով սահմանադրությունը, ինքնուրույն ճանաչեցին իրենց լիազորությունը, քննարկում են անցկացնում նախագահի ընտրության օրվա վերաբերյալ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Այսօր այս ամսաթիվը նշանակելու վերաբերյալ բանաձև կընդունվի։ Առաջին հերթին նախագահը պետք է կախված լինի միայն վրաց ժողովրդի կամքից։ Մենք շատ տանջվեցինք, երբ Վրաստանի նախագահները կախված էին արտաքին երկրների գործոններից և կառավարվում էին արտաքին հովանավորների կողմից։ Սա ոչ մի դեպքում չի կարելի թույլ տալ»,- ասել է ոչ լեգիտիմ խորհրդարանի պատգամավոր Թենգիզ Շարմանաշվիլին։
«Վրացական երազանքը» նախատեսում է նախագահ ընտրել և երդմնակալության արարողություն իրականացնել մինչև 2024 թվականի ավարտը։ Պատգամավոր Վլադիմիր Բոժաձեի խոսքով՝ «նոր տարում Վրաստանը նոր նախագահ կունենա»։
«Վրացական երազանք» խմբակցության նախագահ Մամուկա Մդինարաձեն բացառում է, որ նախագահի թեկնածու կլինի իշխող կուսակցության պատվավոր նախագահ Բիձինա Իվանիշվիլին։
«Այն, թե ինչպիսին պետք է լինի Վրաստանի նախագահը, մեծ բանավեճի ու քննարկման առարկա էր առաջնորդների հետ։ Մեր, բոլորի կարծիքն է՝ սկսած պարոն Բիձինայից մինչև «Վրացական երազանքի» շարքային զինվորը, որ առաջին նշանը, որը պետք է լինի, պետք է լինի ազգային, պետք է լինի վրացական։ Տվյալ դեպքում ես գենետիկան նկատի չունեմ, հոգով ու սրտով պետք է վրացի լինի։ Եթե չհաշվեք դա չափազանց պաթետիկ ու չափից դուրս: Կենաց չեմ ասում, հոգով ու սրտով վրացի լինի ու սրանից երբեք չշեղվող մարդ լինի։ ...
Այո, մենք ընտրել ենք: Կարելի է ասել, որ մենք 99 տոկոսով որոշել ենք»,- ասել է Մդինարաձեն։
«Մթավարի արխի» հեռուստաընկերության փոխանցմամբ՝ «Վրացական երազանքը» որպես նախագահի թեկնածու դիտարկում է նախկին վարչապետ Իրակլի Ղարիբաշվիլիին և Վրաստանի խորհրդարանի ազգային գրադարանի գլխավոր տնօրեն Կոնստանտին Գամսախուրդիային։
Սալոմե Զուրաբիշվիլին, ով 2018 թվականի նախագահական ընտրություններում «Վրացական երազանքի» կողմից սատարվող անկախ թեկնածու էր, ուղղակի կարգով և համընդհանուր ընտրություններով ընտրված վերջին նախագահն է։ Վեցերորդ նախագահին կընտրի 300 հոգանոց ընտրական կոլեգիան, որի կազմում կընդգրկվեն Վրաստանի խորհրդարանի անդամները և Աբխազիայի և Աջարիայի ինքնավար հանրապետությունների ներկայացուցչական մարմինները, ինչպես նաև տեղական ինքնակառավարման մարմինների ներկայացուցիչները։ Ընտրություններ կանցկացվեն խորհրդարանում։ Նախագահի թեկնածու առաջադրելու իրավունք ունի ընտրական կոլեգիայի ոչ պակաս, քան 30 անդամը։
