Վրաստանն ավելի ու ավելի է գիտակցում, որ չի ցանկանում օգտագործվել որպես սպառնալիքի պլացդարմ Ռուսաստանի համար։ Այս մասին հայտարարել է ՌԴ փոխվարչապետ Ալեքսեյ Օվերչուկը։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
«Եթե նայեք Վրաստանին... նրանք ավելի ու ավելի են հասկանում, որ Վրաստանը անկախ ինքնիշխան պետություն է, որը ձգտում է խաղաղ ապրել իր հարևանների հետ։ Նրանք հասկանում են, որ չեն ցանկանում օգտագործվել որպես պլացդարմ՝ Ռուսաստանի Դաշնությանը վտանգ ներկայացնելու համար»,- ասել է Օվերչուկը՝ հավելելով, որ այդ միտումը դրականորեն է ազդում Մոսկվայի և Թբիլիսիի միջև առևտրատնտեսական հարաբերությունների աճի վրա, մասնավորապես՝ զբոսաշրջության ոլորտի վրա։
«Դա այն է, ինչին ձգտում են երկու կողմերը»,- ասել է ՌԴ փոխվարչապետը։
Վրաստանի կառավարության ներկայացուցիչները բազմիցս հայտարարել են, որ Արևմուտքը ցանկանում է Վրաստանին ներքաշել պատերազմի մեջ և «երկրորդ ճակատ» բացել Ռուսաստանի դեմ։ Այս հարցի շուրջ խոսել է նաև «Վրացական երազանքի» պատվավոր նախագահ Բիձինա Իվանիշվիլին։ «Գլոբալ պատերազմի կուսակցության՝ Վրաստանի նկատմամբ ագրեսիայի հիմնական պատճառն այն է, որ չնայած մեծ ջանքերին, նա չկարողացավ Վրաստանը վերածել երկրորդ ճակատի, ինչին նա շատ հեշտությամբ կհասներ գործակալների իշխանության վերադառնալու պայմաններում», - ասել է Իվանիշվիլին ապրիլի 29-ի ելույթի ժամանակ։
Հատկանշական է, որ ՌԴ կառավարությունն աջակցել է Վրաստանում «օտարերկրյա գործակալների» մասին օրենքի ընդունմանը։ Նրանց նարատիվը, թե օրենքը ծառայում է ինքնիշխանության ամրապնդմանը, համահունչ էր վարչապետի և «Վրացական երազանքի» առաջնորդների հայտարարություններին:
