Վերջին տարիներին ամբողջ աշխարհում ծխախոտ օգտագործողների թիվը նվազում է, և այսօրվա դրությամբ 1․25 միլիարդ մարդ է օգտագործում այն։ Առողջապահության համաշխարհային կազմակերպության վերջին գնահատականի համաձայն՝ յուրաքանչյուր հինգերորդ մարդ ծխախոտ է օգտագործում, մինչդեռ 2000 թվականին յուրաքանչյուր երրորդ մարդն էր օգտագործում:
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
ԱՀ կազմակերպության տվյալներով՝ Վրաստանում ծխախոտ է օգտագործում 15 տարեկան և բարձր տարիքի բնակչության 29%-ը՝ մոտավորապես 842 հազար մարդ։ Ծխող է տղամարդկանց 54,7%-ը և կանանց 7,1%-ը։ Համեմատության համար, օրինակ՝ Գերմանիայում ծխախոտի օգտագործման ցուցանիշը կազմում է 18,8%, Ֆրանսիայում՝ 29,2%, իսկ հարևան Ադրբեջանում՝ 19,3%։
Ծխախոտի օգտագործման ամենաբարձր ցուցանիշը գրանցվել է Հարավարևելյան Ասիայի տարածաշրջանում՝ 26,5%: Նրան հաջորդում է եվրոպական տարածաշրջանը, որտեղ սպառողներ են բնակչության 25,3%-ը։ ԱՀԿ-ի զեկույցը ցույց է տալիս, որ մինչև 2030 թվականը Եվրոպան կարող է լինել առաջինը ծխախոտի արտադրանքի սպառման մեջ (բնակչության 23%-ից մի փոքր ավելին): Հարկ է նշել, որ Եվրոպայում կանանց շրջանում ծխախոտի օգտագործման մակարդակը երկու անգամ գերազանցում է համաշխարհային միջինը և նվազում է շատ ավելի դանդաղ, քան մյուս բոլոր տարածաշրջաններում:
Թեև 2010 թվականից ի վեր որոշ երկրներում ծխախոտի օգտագործման տարածվածությունը փոքր-ինչ փոխվել է, ծխախոտի օգտագործման աճ է գրանցվել վեց երկրներում, մասնավորապես՝ Կոնգոյում, Եգիպտոսում, Ինդոնեզիայում, Հորդանանում, Օմանում և Մոլդովայում: Դրա հետ մեկտեղ՝ ուսումնասիրությունները ցույց են տալիս, որ շատ երկրներում 13-15 տարեկան երեխաներն օգտագործում են ծխախոտ և նիկոտինային արտադրանք:
«Վերջին տարիներին զգալի առաջընթաց է գրանցվել ծխախոտի դեմ պայքարի ոլորտում, բայց ինքնագոհության համար ժամանակ չկա», - ասում է ԱՀԿ-ի Առողջապահության խթանման տնօրեն Ռուդիգեր Կրեչը: «Ես զարմացած եմ, թե ինչերի կգնա ծխախոտի արդյունաբերությունը անհամար կյանքերի հաշվին շահույթ ստանալու համար: Մենք տեսնում ենք, որ հենց այն ժամանակ, երբ կառավարությունը կարծում է, որ ծխախոտի դեմ պայքարը հաղթել է, արդյունաբերությունն օգտագործում է այս հնարավորությունը՝ շահարկելով առողջապահական քաղաքականությունը և վաճառում իր մահացու արտադրանքը»:
ԱՀԿ-ն կոչ է անում երկրներին շարունակել իրականացնել ծխախոտի դեմ պայքարի քաղաքականություն և պայքարել ծխախոտի արդյունաբերության միջամտության դեմ:
