ბოლო წლების განმავლობაში მთელს მსოფლიოში თამბაქოს მომხმარებლების რაოდენობა მცირდება და დღეისთვის 1.25 მილიარდი ადამიანი მოიხმარს. ჯანდაცვის მსოფლიო ორგანიზაციის ბოლო შეფასების მიხედვით, ყოველი 5 ადამიანიდან ერთი თამბაქოს მომხმარებელია, მაშინ, როცა 2000 წელს თამბაქოს ყოველი მესამე მოიხმარდა.
ახალი ამბები
მკითხველის რჩეული
- 1 „გამოვძებნით ძალას, რათა ბოდიში მოვიხადოთ“ - ივანიშვილი 2008 წლის ომზე
- 2 ვის მოვუხადოთ ბოდიში შინდისის გმირების ოჯახებმა? - გამოხმაურება ივანიშვილის განცხადებაზე
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 „ძლიერი საქართველოს“ საგარეჯოს ორგანიზაციის წევრს სასამართლომ გირაო შეუფარდა
- 5 რასაც ახლა საქართველოს ხელისუფლება აკეთებს, ეროვნული იდენტობის გაცნობიერებაა - ლავროვი
- 6 2025 წლიდან გიორგი მამარდაშვილი „ლივერპულის“ მეკარე გახდება
ჯანმოს მონაცემებით, საქართველოში თამბაქოს 15 წლის და უფროსი ასაკის მოსახლეობის 29% მოიხმარს - დაახლოებით 842 ათასი ადამიანი. მწეველია კაცების 54.7% და ქალების 7.1%. შედარებისთვის, მაგალითად, გერმანიაში თამბაქოს მოხმარების მაჩვენებელი 18.8%-ია, საფრანგეთში - 29.2%, ხოლო მეზობელ აზერბაიჯანში - 19.3%.
სამხრეთ-აღმოსავლეთ აზიის რეგიონში თამბაქოს მოხმარების ყველაზე მაღალი მაჩვენებელი ფიქსირდება - 26.5%. მას მოსდევს ევროპის რეგიონი, სადაც მოსახლეობის 25.3%-ია მომხმარებელი. ჯანმოს ანგარიში აჩვენებს, რომ 2030 წლისთვის ევროპა შესაძლოა პირველი იყოს თამბაქოს ნაწარმის მოხმარებით (მოსახლეობის 23%-ზე ოდნავ მეტი). აღსანიშნავია, რომ ქალებს შორის თამბაქოს მოხმარების მაჩვენებელი ევროპაში ორჯერ მეტია გლობალურ საშუალოზე და გაცილებით ნელა მცირდება, ვიდრე ყველა სხვა რეგიონში.
იმ დროს, როდესაც 2010 წლის შემდეგ თამბაქოს მოხმარების პრევალენტობა ზოგიერთ ქვეყანაში ოდნავ შეიცვალა, ექვს ქვეყანაში თამბაქოს მოხმარების ზრდა შეიმჩნევა, ესენია: კონგო, ეგვიპტე, ინდონეზია, იორდანია, ომანი და მოლდოვა. ამასთან, კვლევები აჩვენებს, რომ უმეტეს ქვეყნებში 13-15 წლის ბავშვები თამბაქოს და ნიკოტინის პროდუქტებს იყენებენ.
„ბოლო წლებში მნიშვნელოვანი პროგრესი იქნა მიღწეული თამბაქოს კონტროლის მხრივ, მაგრამ თვითკმაყოფილებისთვის დრო არ არის“, - აცხადებს რუდიგერ კრეჩი, ჯანმოს ჯანმრთელობის ხელშეწყობის დირექტორი. „გაოგნებული ვარ იმით, თუ რაზე წავა თამბაქოს ინდუსტრია უთვალავი სიცოცხლის ხარჯზე მოგების მისაღებად. ვხედავთ, რომ სწორედ მაშინ, როდესაც მთავრობა ფიქრობს, თამბაქოს წინააღმდეგ ბრძოლა მოიგო, ინდუსტრია იყენებს ამ შესაძლებლობას ჯანდაცვის პოლიტიკით მანიპულირებისთვის და თავისი მომაკვდინებელი პროდუქტების გასაყიდად“.
ჯანმო მოუწოდებს ქვეყნებს, გააგრძელონ თამბაქოს კონტროლის პოლიტიკის გატარება და ბრძოლა თამბაქოს ინდუსტრიის ჩარევის წინააღმდეგ.
