Համաձայն Տնտեսական համագործակցության և զարգացման կազմակերպության (OECD) հրապարակած նոր զեկույցի՝ Վրաստանում ֆիքսված ինտերնետի գինը գերազանցում է Հեռահաղորդակցության միջազգային միության (ITU) առաջարկած սահմանաչափը, այն է՝ ընդհանուր ազգային եկամտի 2%-ը և կազմում է 2,35%: Բացի այդ, երկրի համար կարևոր մարտահրավեր է գերարագ ինտերնետի հասանելիությունը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Հետազոտության համաձայն՝ գերարագ ինտերնետից օգտվելու հնարավորություն չունի անգամ բիզնեսը, հատկապես փոքր ընկերությունները։
2023 թվականին ընկերությունների մեծ մասը՝ 61%-ը, ունեցել են ինտերնետ կապ՝ 30 Մբիթ/վրկ-ից ցածր միջին արագությամբ։
«Սա առանձնահատուկ խնդիր է ստեղծում փոքր ու միջին բիզնեսի համար, որոնք, համեմատած խոշոր ընկերությունների հետ, ետ են մնում լայնաշերտ ցանցի օգտագործման առումով։ Խոշոր ընկերությունների 79%-ն օգտվում է գերարագ ինտերնետից (ավելի քան 30 Մբիթ/վրկ), մինչդեռ նման ինտերնետ ունի միջին ընկերությունների միայն 54%-ը և փոքր ընկերությունների 38%-ը։
Վրաստանը կարող է աջակցել մրցակցությանը, ներդրումներին և նորարարություններին՝ ի վերջո հեշտացնելու ավելի արագ ինտերնետի հասանելիությունը ավելի ցածր գնով։ Կարող է ուժեղացնել պահանջարկը՝ սպառողներին ապահովելով լայնաշերտ ծառայությունների և որակի վերաբերյալ տեղեկատվության հասանելիություն, դյուրացնել փոքր և միջին բիզնեսի կողմից գերարագ ինտերնետի ընդունումը»,- ասվում է զեկույցում։
Ըստ հետազոտության՝ նշված անհամաչափ բաշխվածությունն ու անհավասար միջավայրը խոչընդոտ են հանդիսանում երկրի զարգացման համար։ Ինտերնետ հասանելիության խնդիրների արդյունքում երկրում ֆիքսված և բջջային ինտերնետից օգտվողների թիվը ցածր է OECD-ի և ԵՄ երկրների միջին ցուցանիշից։
Զեկույցում նշվում է, որ Վրաստանում թվային ունակությունները ցածր են OECD-ի և ԵՄ-ի ցուցանիշներից, և 2021 թվականին քաղաքացիների միայն 36%-ն է ունեցել բազային ունակություններ:
Բացի այդ, Վրաստանը Արևելյան գործընկերության երկրների շարքում ամենաշատ կապված երկրներից մեկն է։ Զեկույցի համաձայն՝ 2015-2020 թվականներին ֆիքսված և լայնաշերտ ինտերնետի բաժանորդների թիվն աճել է մոտ 50%-ով։ Բացի այդ, այս ժամանակահատվածում քաղաքային և գյուղական բնակավայրերի միջև ինտերնետ հասանելիության տարբերությունը կրկնակի կրճատվել է (-64%) և 2021 թվականին նվազել մինչև 12,6%:
Զեկույցում ընդգծվում է, որ թեև Վրաստանն արդեն հասել է որոշակի դրական արդյունքների, սակայն այս ուղղությամբ դեռ կան մարտահրավերներ, և երկրի համար կարևոր է լրացուցիչ քայլեր ձեռնարկել հեռահաղորդակցության շուկայում մրցակցության ուժեղացման, ինչպես նաև ներդրումների և նորարարությունների ավելացման համար, որ սպառողները կարողանան ավելի արագ ինտերնետ ձեռք բերել համեմատաբար ցածր գնով:
Տնտեսական համագործակցության և զարգացման կազմակերպության (OECD) քաղաքականության ինդեքսի զեկույցը ներառում է հինգ գործընկեր երկրներում՝ Հայաստանում, Ադրբեջանում, Վրաստանում, Մոլդովայում և Ուկրաինայում փոքր և միջին բիզնեսի զարգացման և դրա հետ կապված քաղաքականության վերաբերյալ վերջին բացահայտումները:
