Վրաստանի կառավարությունը ՄԱԿ-ի մանկական հիմնադրամի (ՅՈՒՆԻՍԵՖ) աջակցությամբ միանվագ ֆինանսական օգնություն կտրամադրի Վրաստանում երեխաներ ունեցող խոցելի ուկրաինացի ընտանիքներին։ 2022 թվականի փետրվարի 1-ից հետո Վրաստան ժամանած ընտանիքները յուրաքանչյուր երեխայի համար կստանան 470 լարի։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Ֆինանսական օգնություն ստանալու համար ուկրաինացի երեխաների ծնողները/օրինական ներկայացուցիչները մինչև սույն թվականի մարտի 1-ը պետք է դիմեն Սոցիալական ծառայությունների գործակալության տարածքային և շրջանային բաժիններ և ներկայացնեն երեխայի անձնագիրը/ծննդյան վկայականը։ Հարցերի դեպքում հետաքրքրված անձինք կարող են զանգահարել թեժ գծին՝ 1505։
Վրաստանում Ուկրաինայի դեսպանի պաշտոնակատար Անդրեյ Կասյանովի խոսքով, 2022 թվականի նոյեմբերի դրությամբ, անցյալ տարվա փետրվարի 24-ից ի վեր Վրաստան է մուտք գործել ընդհանուր առմամբ 182 հազար ուկրաինացի, որից 25 հազարը մնացել է Վրաստանի տարածքում։ ՄԱԿ-ի փախստականների հարցերով գործակալության վրացական գրասենյակի տվյալների հիման վրա Կասյանովն ասում է, որ նույն ժամանակահատվածում Վրաստան է մուտք գործել 1 մլն 268 հազար ռուս և 149 հազար բելառուս։ Նրանցից 116 հազար ՌԴ քաղաքացին մնացել է Վրաստանում։
Ուկրաինայի քաղաքացիների մեծ մասը Վրաստանի տարածքն օգտագործում է տարանցման համար դեպի այլ երկրներ, հիմնականում՝ Եվրոպա։ Անդրեյ Կասյանովը որպես երկրում ուկրաինացի փախստականների երկարաժամկետ մնալուն խոչընդոտող գործոն է համարել Վրաստանում Ռուսաստանի քաղաքացիների՝ «Պուտինի և ուկրաինացի բնակչության ցեղասպանության քաղաքականության կողմնակիցների անսովոր մեծ քանակությունը», ինչպես նաև դրանով պայմանավորված բնակարանների գների աճը և պարենային ապրանքների գները։ Ուկրաինայի դեսպանի տվյալներով՝ ամենաշատ ուկրաինացիները գտնվում են Վրաստանի խոշոր քաղաքներում՝ Թբիլիսիում, Բաթումիում և Քութայիսիում։
