Մարտի 7-ին ոստիկանությունը խորհրդարանի շենքի դիմաց ռուսական օրենքների դեմ իրականացվող բողոքի ակցիայի ժամանակ վարչական կարգով ձերբակալել է 66 մարդու՝ մանր խուլիգանության և ոստիկանության օրինական պահանջին չենթարկվելու հոդվածներով։ Ըստ փաստաբանների՝ ձերբակալվածներին ծեծի են ենթարկել։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Ձերբակալման պահին տարբեր հեռուստաալիքներով տեսանյութեր են նկարահանվել, որտեղ հստակ երևում է, որ արձանագրության մեջ նկարագրված փաստերը կատարյալ սուտ են։ Ձերբակալման պահին երկուսն էլ շատ դաժան ծեծի են ենթարկվել, մահակներով հարվածել են հատուկ նրանց գլխին»,- ասում է «Գիրչի-ավելի շատ ազատություն» կուսակցության առաջնորդ Զուրաբ Ջափարիձեի փաստաբան Վախո Բարաբաշվիլին։
Նա նաև պաշտպանում է կալանավորված Նիկա Մոսիաշվիլիի շահերը։
Ներքին գործերի նախարարությունը խաղաղ ցուցարարների դեմ կիրառել է ջրցան մեքենաներ, մի քանի ժամ շարունակ արցունքաբեր գազ է արձակել։ Բազմաթիվ մարդիկ վիրավորվել են։ Արցունքաբեր գազի արձակման պատճառով ցույցը մի քանի անգամ ցրվել է, և վերջում Ռուսթավելիի պողոտայում գտնվող խորհրդարանի ողջ տարածքը գրավել են հատուկ ջոկատայինները։ Ոստիկանները փողոցներում հետապնդել ու ձերբակալել են խաղաղ ցուցարարներին, իսկ ձերբակալության ժամանակ բռնություն են գործադրել։
ՆԳՆ-ից հայտնում են, որ ցույցի ժամանակ տեղի ունեցած բռնի միջադեպերի հետաքննությունը սկսվել է Քրեական օրենսգրքի 353-րդ պրիմա և 187-րդ հոդվածներով, որոնք վերաբերում են ոստիկանի, իշխանության կամ հասարակական հիմնարկի այլ ներկայացուցչի վրա հարձակում գործելուն, գույքին վնաս հասցնելուն կամ ոչնչացմանը:
Նախարարությունը հայտարարում է, որ հավաքվածների բռնի գործողությունների հետևանքով տուժել է իրենց աշխատակիցներից մոտ 50-ը, որոնցից մի քանիսը վիրահատական միջամտության կարիք են ունեցել։
«Երեկ ողջ օրվա ընթացքում օրենսդիր մարմնի հարակից տարածքում մոբիլիզացվել են ՆԳՆ համապատասխան ստորաբաժանումները՝ հասարակական կարգը պաշտպանելու և բողոքի ակցիայի խաղաղ անցկացումն ապահովելու նպատակով։ Ավելի ուշ հավաքվածների բողոքը դուրս եկավ խոսքի ազատության և խաղաղ հավաքների օրենքով սահմանված շրջանակներից և դարձավ բռնի։
Խորհրդարանի շենքի մոտ հավաքվածները փորձել են փակել խորհրդարանի մուտքերը, ինչը ոստիկանները թույլ չեն տվել։ Չնայած ՆԳՆ բազմաթիվ կոչերին՝ պահպանել կարգուկանոնը, խաղաղ բողոքի ակցիան շարունակեին օրենքի շրջանակներում, հանրահավաքի մասնակիցները շարունակել են իրենց բռնի գործողությունները և չեն ենթարկվել իրավապահների օրինական պահանջներին։
Ոստիկանները, լարվածությունը թուլացնելու և իրավիճակը թուլացնելու նպատակով, բացել են ճանապարհը և հավաքի մասնակիցներին ցրվելու կոչ են արել։ Այդուհանդերձ, հանրահավաքի մասնակիցները ՆԳՆ աշխատակիցների վրա նետել են տարբեր առարկաներ՝ քարեր, դյուրավառ միջոցներ, կոշտ առարկաներ, ֆիզիկական բռնության են ենթարկել և դիմադրել ոստիկաններին։ Հանրահավաքի մասնակիցները վնասել և այրել են նախարարությանը պատկանող մեքենաներ, վնասել ոստիկանության հատուկ տեխնիկա։
Հասարակական կարգը վերականգնելու և իրավախախտումները կանխելու նպատակով ոստիկանությունը հարկադրված է եղել հետևողականորեն կիրառել համաչափ ուժ և «Ոստիկանության մասին» Վրաստանի օրենքով նախատեսված հարկադրանքի հատուկ միջոցներ՝ համապատասխան նախազգուշացումից հետո անհրաժեշտության համաձայն։
Ավելի ուշ հավաքվածները կազմակերպված հարձակում են սկսել խորհրդարանի շենքի վրա այսպես կոչված «մոլոտովի կոկտեյլներով» և պիրոտեխնիկայով, այդ թվում՝ իրավապահների ուղղությամբ:
Բողոքի մասնակիցները հրկիզել են օրենսդիր մարմնի շենքը, քարեր նետել, կոտրել ապակիներն ու վնասել երկաթե պաշտպանիչ ամբարտակները։ Հանրահավաքի մասնակիցների կողմից տեղի է ունեցել կարգուկանոնի զանգվածային խախտում, որը շարունակվել է մի քանի ժամ»,- ասվում է ՆԳՆ-ի տարածած հաղորդագրության մեջ։
Մարտի 7-ին Վրաստանի խորհրդարանը 76 կողմ, 13 դեմ ձայներով առաջին ընթերցմամբ ընդունել է «Օտարերկրյա ազդեցության թափանցիկության մասին» ռուսական օրենքի նախագիծը։ Օրենքը անկախ լրատվամիջոցներին և քաղաքացիական հասարակության կազմակերպություններին հռչակում է «օտարերկրյա գործակալներ» և բազմաթիվ լծակներ է տալիս դրանք սահմանափակելու կամ փակելու համար։
