Ներքին գործերի նախարարությունը ցրում է խորհրդարանի մոտ ռուսական օրենքի դեմ ընթացող բողոքի ակցիան։ Քաղաքացիների դեմ ջրցան մեքենաներ են կիրառվել, արցունքաբեր գազ է արձակվել։ Նախարարությունը ցուցարարներին կոչ է անում ցրվել։
Լրահոս
Ընթերցողի ընտրանի
- 1 Կառավարությունը մայիսի 7-ը, 8-ը և 10-ը հայտարարել է ոչ աշխատանքային օրեր
- 2 Բիձինա Իվանիշվիլին հրաժարվել է հանդիպել պետքարտուղարի օգնական Ջիմ Օ՛Բրայենի հետ
- 3 Սա բռնություն է սահմանադրության նկատմամբ, Իվանիշվիլիի ելույթը սադրիչ էր. Նախագահը՝ դեսպաններին
- 4 Գերմանիան Վրաստանի կառավարությանը կոչ է արել չխոչընդոտել երկրի ուղին դեպի եվրոպական ապագա
- 5 Եթե օրենքը չփոխվի, կլինեն սահմանափակումներ պատասխանատուների և նրանց ընտանիքների նկատմամբ․ Օ'Բրայեն
- 6 «Բոլորը մեկ մարդու նման Ռուսթավելի»․ հանրային ծառայողների մոբիլիզացիան «Երազանքի» հակաակցիայի համար
Մինչ այդ խաղաղ ցուցարարների դեմ կիրառվել է պղպեղի սփրեյ, ինչի արդյունքում տասնյակ մարդիկ են տուժել, այդ թվում՝ լրագրողներ ու քաղաքական գործիչներ։
Հատուկ ջոկատայինները փորձում են մաքրել խորհրդարանի շրջակայքը։ Ակցիայի մասնակիցները, որոնք հիմնականում երիտասարդներ են, ասում են, որ չեն նահանջելու։ Նրանք կանգնած են հատուկ նշանակության ջոկատի դիմաց։
«Վրացական երազանքը» մտադիր է ընդունել ռուսական օրենքը, որի դեմ ավելի քան երկու շաբաթ է, ինչ քաղաքացիները բողոքում են փողոցներում՝ բազմահազարանոց անդադար ցույցերով։ Օրենքի երկրորդ ընթերցմանը զուգահեռ ժամը 19:00-ին մեկնարկեց ապրիլի 30-ի հանրահավաքը։ Քաղաքացիները փակել են Ռուսթավելի պողոտան, իսկ նրանց մի մասը շարժվել է դեպի խորհրդարանի հետևի մուտքերը, որտեղից պետք է օրենսդիր մարմինը լքեին ռուսական օրենքի հեղինակ և սատարող պատգամավորները։ Հատուկ հանձնարարությունների վարչության և ՆԳՆ տարբեր ստորաբաժանումների աշխատակիցները ստիպել են ակցիայի մասնակիցներին լքել տարածքը։