ՌԴ Պետդումայի պատգամավոր, ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինի կարծիքով, հնարավոր է, որ իրավիճակը Վրաստանի սահմաններին սրվի, «եթե Վրաստանի կառավարությունը ճնշման ենթարկվի»: Նրա խոսքով՝ Վրաստանը, Աբխազիայի և Հարավային Օսիայի վերադարձի հետ կապված, իր պահանջների կատարման հույս կարող է ունենալ այն դեպքում, եթե Ռուսաստանը պարտություն կրի Ուկրաինայում։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Զատուլինը պատասխանել է Վրաստանի նախագահ Սալոմե Զուրաբիշվիլիի հայտարարությանը, ըստ որի՝ Ուկրաինայում Կրեմլի պատերազմին վերջ տալու համար ստորագրված խաղաղության համաձայնագրով, Ռուսաստանից նաև պետք է պահանջվի դադարեցնել Վրաստանի տարածքի գրեթե 15-ամյա օկուպացիան։
«Որպեսզի Վրաստանի խնդրանքը կատարվի, Ռուսաստանը պետք է պարտություն կրի։ Պարտության դեպքում կարելի է տարբեր մտքեր առաջ քաշել, որոնք կարելի է պահանջել Ռուսաստանից։ Հույս ունենք, որ պարտություն չի լինի։ Այնպես որ, այն, ինչի մասին խոսում է տիկին Զուրաբիշվիլին, դժվար թե կյանքի կոչվի»,- ասել է Զատուլինը ռուսական լրատվամիջոցներին։
Նրա խոսքով, կան օրինակներ, երբ այն երկրները, որոնք չեն մասնակցել հակամարտությանը, ստացել են «բոնուսներ» դրա ավարտից հետո, բայց Վրաստանը «ուղղակի կապ չունի այսօրվա իրադարձությունների հետ»։
«Նա [Վրաստանը] փորձում է թանկացնել իր գինը և հերթական անգամ ինչ-որ բան պահանջել Ռուսաստանից, այնպես անել, որ չմոռանան Վրաստանի շահերի մասին՝ վերադարձնել Աբխազիան և Հարավային Օսիան։
Զուրաբիշվիլին գլխավոր դեմքը չէ, թեև նախագահն է։ Դա իրենից կախված չէ: Սրացումներ կարող են լինել, բայց այն դեպքում, եթե Վրաստանի կառավարությունը, իշխանությունները ենթարկվեն այն ճնշմանը, որը գործադրվում է նրանց վրա։ Դա իսկապես իրականացվում է։ Սակայն 2008-ին Վրաստանը փորձեց փորձարկել Ռուսաստանին և իրականում ստացավ հակառակը՝ Ռուսաստանը ճանաչեց Աբխազիան և Հարավային Օսիան։ Այսպիսով, նրանց վերադարձի երազանքները մնում են երազների ու ֆանտաստիկայի աշխարհում»,- ասել է Զատուլինը։
Վրաստանի նախագահ Սալոմե Զուրաբիշվիլին Bloomberg-ին տված հարցազրույցում ասել է, որ եթե օկուպացված տարածքներից ռուսական ուժերի ամբողջական դուրսբերումը նրա «հանձնվելու պայմանը» չլինի, ապա արևմտյան աշխարհը ևս մեկ մեծ սխալ թույլ կտա՝ ինչպես 2008-ին և 2014-ին։
«Ռուսաստանը պետք է սովորի, թե որտեղ են գտնվում իր սահմանները»,- ասել է Զուրաբիշվիլին։ «Վրաստանի խնդիրները պետք է դրվեն սեղանին, քանի որ ոչ ոք չպետք է մտածի, որ այս պատերազմը կարող է լուծվել առանց Ռուսաստանի՝ բոլոր գրավյալ տարածքներից դուրս գալու։
Վրաստանի նախագահի խոսքով՝ Ռուսաստանի պարտությունը մոտ է, և նա «գործնականում արդեն պարտվել է Ուկրաինայի մարտերում, եթե ոչ՝ ողջ պատերազմում»։
