Զելենսկին Դանիլովին ազատել է Անվտանգության և պաշտպանության խորհրդի քարտուղարի պաշտոնից

Ուկրաինայի նախագահը դեռ չի մեկնաբանել կադրային փոփոխությունները։

2022 թվականի փետրվարի 24-ին՝ Ուկրաինա Ռուսաստանի ներխուժումից և պատերազմի սկսվելուց հետո, Դանիլովն այսպես կոչված երկրորդ ճակատների մասին հայտարարություն էր արել, որը քննադատել է վրացական իշխանությունը։

«Եթե Մերձդնեստրն ու Վրաստանն այսօր զբաղված լինեին իրենց տարածքները վերադարձնելով, ավելին, Լեհաստանը դեռ պաշտոնապես չի հավակնում Կալինինգրադի մարզին, դա միանշանակ կօգներ մեզ, քանի որ նրանք [ռուսները] այլ անելիքներ կունենային, բացի մեր քաղաքներն ու գյուղերը ոչնչացնելուց՝ սպանելով մեր երեխաներին ու կանանց»,- ասել է Դանիլովը 2022 թվականի մարտի 26-ին։

Օլեքսի Դանիլովը Ուկրաինայի Ազգային անվտանգության և պաշտպանության խորհրդի քարտուղարի պաշտոնը զբաղեցնում էր 2019 թվականից։

1994-1997 թվականներին Դանիլովը եղել է Լուգանսկի քաղաքապետը, իսկ 2005 թվականին ղեկավարել է Լուգանսկի շրջանի վարչակազմը։ 2006 թվականին նա դարձել է Ուկրաինայի խորհրդարանի պատգամավոր Յուլիա Տիմոշենկոյի դաշինքից։