Ուկրաինայի զինված ուժերի նախկին գլխավոր հրամանատար Վալերի Զալուժնին նշանակվել է Մեծ Բրիտանիայում Ուկրաինայի արտակարգ և լիազոր դեսպան։ Այս պաշտոնը թափուր է անցյալ տարվա հուլիսից։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
Նախագահ Վլադիմիր Զելենսկին մարտի 7-ին հաստատել է գեներալ Վալերի Զալուժնիի թեկնածությունը, և, ինչպես պարզաբանվել է, Զալուժնիի ցանկությունն էր գնալ դիվանագիտության ուղղությամբ։
«Մեր դաշինքը Մեծ Բրիտանիայի հետ պետք է միայն ամրապնդվի»,- ասել է նախագահը իր ամենօրյա ուղերձում։
Վլադիմիր Զելենսկին փետրվարի 8-ին պաշտոնանկ է արել Վալերի Զալուժնիին, ով ղեկավարում էր ուկրաինական զինված ուժերը 2021 թվականից և ըստ հարցումների համարվում էր Ուկրաինայի ամենահայտնի զինվորականը և նրան փոխարինեց գեներալ-գնդապետ Ալեքսանդր Սիրսկին։
«Ես շնորհակալ եմ գեներալ Զալուժնիին երկու տարվա պաշտպանության համար։ Ես գնահատում եմ բոլոր հաղթանակները, որոնք մենք ձեռք ենք բերել միասին»,- ասել է Զելենսկին։
Զալուժնիի հնարավոր հեռացման մասին լրատվամիջոցները գրում էին արդեն մի քանի շաբաթ։ Վարկածներից մեկի համաձայն՝ Վլադիմիր Զելենկիի դժգոհությունն առաջացրել է Վալերի Զալուժնիի հանրաճանաչությունը, ինչպես նաև նոյեմբերին The Economist-ի կողմից հրապարակված հարցազրույցը, որտեղ գեներալն ասում էր, որ պատերազմը մտել է փակուղի, և Ռուսաստանի հյուծվածության հաշվարկը սխալ է։ Ուկրաինայի իշխանությունները հերքել են գերագույն գլխավոր հրամանատարի և նախագահի միջև կոնֆլիկտի առկայությունը։
Վլադիմիր Զելենսկին աշխատանքից ազատվելուց հետո Վալերի Զալուժնիին Ուկրաինայի հերոսի կոչում է շնորհել։
