Yeni xəbərlər

14 senator baş nazir Kobaxidzeyə yazır ki, rus qanunu “Gürcüstanın ən yaxın tərəfdaşları olan ABŞ və Avropa İttifaqını zərərli aktyorlar olaraq ləkələyir. Belə bir dəyişiklik Amerikanın Gürcüstanla bağlı siyasətinin dəyişməsinə gətirib çıxarır və Gürcüstan siyasətinin yeni vəziyyətini əks etdirir.

Avropa İttifaqının bir çox yüksək vəzifəli şəxsləri olaraq senatorlar deyirlər ki, “Gürcü Arzusu”nun təşəbbüsü ilə hazırlanan qanun layihəsinin hədəfi “Gürcüstan demokratiyasının həyati damarı” olan vətəndaş cəmiyyəti və müstəqil mediadır. Bundan əlavə, qanun layihəsi ABŞ və Avropanın dəstəyinə, 1991-ci ildən bəri Gürcüstanın suverenliyinə və demokratik transformasiyalarına dəstək üçün yüz milyonlarla dollar sərmayə qoyan Gürcüstanın tərəfdaşlarına qarşı yönəlib.

“Biz Konqresin üzvləri olaraq gürcü xalqına dərin hörmət bəsləyirik və həmişə ölkənizlə güclü ikipartiyalı və ikitərəfli əlaqələrin əsas tərəfdarı olmuşuq, Gürcüstan parlamenti Gürcüstanın ABŞ-la münasibətlərinə xələl gətirəcək xarici agentlər haqqında qanunu qəbul etsə, çox məyus olacağıq.

Əgər bu qanun layihəsi qəbul olunarsa, biz ABŞ-ı Gürcüstanla bağlı siyasətində dəyişiklik etməyə təşviq etmək məcburiyyətində qalacağıq, hansı ki, buraya Gürcüstanın demokratik inkişafına mane olan və ya Avro-Atlantik inkişaf trayektoriyasını məhdudlaşdıran şəxslərə qarşı sanksiyalar, ABŞ-ın birbaşa maliyyə yardımına yenidən baxılması və ABŞ-a viza qadağalarının genişləndirilməsi daxil ola bilər”, - Senatorlar deyir.

Senatorlar “Gürcü Arzusu”nun Şəffaflıq qanununun ABŞ-ın Xarici Agentlərin Təsir Aktı, “FARA”ya bənzədiyi barədə narrativi təkzib edirlər:

“Onu da bildirməliyik ki, yenidən qüvvəyə minmiş Xarici Agentlər Aktı heç bir ABŞ qanununu əks etdirmir və Gürcüstanın demokratik təsisatlarının inkişafında mühüm rol oynayan vətəndaş cəmiyyəti və medianı susdurmaq üçün istifadə olunacaq. Bildiririk ki, söz azadlığı istənilən hakim partiya üçün xoşagəlməz ola bilər, amma razılaşmamaq və öz fikrini açıq şəkildə ifadə etmək demokratiyanı gücləndirən və ona bərklik qatan amildir”.

Məktubun sonunda senatorlar söz verirlər ki, onlar “demokratik və Avropayönlü gələcəyini dəstəkləmək üçün səsini ucadan və aydın şəkildə səsləndirən gürcü xalqının istəkləri ilə onları tək qoymayacaq”. Onların fikrincə, ABŞ və Gürcüstan arasında münasibətlər qarşılıqlı maraqlara və ümumi dəyərlərə əsaslanır və onların hər biri bu münasibətlərin daha da dərinləşməsinin güclü tərəfdarıdır. Lakin onlar bunu da deyirlər ki, “bu qanunvericilik geri götürülməyənə qədər münasibətlər davam edə bilməz”.

Məktubda senatorlar yazır ki, Gürcüstan hökuməti öz vətəndaşlarının əksəriyyətinin ölkənin Avropa İttifaqına daxil olmaq istəyini nəzərə almalıdır, çünki bu qanunun qəbulu, Avropa İttifaqının dəfələrlə bəyan etdiyi kimi, Gürcüstanın Avropa blokuna daxil olmaq perspektivlərinə mənfi təsir göstərir. Bu da ki, hökumətin öz konstitusiyasına məhəl qoymaması olacaq.

Senatorlar Gürcüstanın üzləşdiyi Rusiya təhlükələrindən də xəbərdardırlar və bildirirlər ki, ABŞ həm keçmişdə, həm də gələcəkdə Gürcüstan xalqının Gürcüstanın suverenliyini, ərazi bütövlüyünü və Gürcüstanda hibrid müharibə aparan və seçkilər öncəsi cəmiyyətə geniş miqyaslı zərərli təsir göstərən Rusiyadan müstəqilliyini qorumaq hüququnu dəstəkləyəcək. 

“Amerikanın Səsi”nin verdiyi məlumata görə, ikitərəfli məktubun göndərilməsinə Avropada Təhlükəsizlik və Əməkdaşlıq üzrə Alt Komitənin sədri senator Cin Şahin və Senatın Xarici Əlaqələr Komitəsinin ən yüksək rütbəli respublikaçı üzvü, senator Ceyms Rişi başçılıq ediblər. Onlardan başqa, məktubu aşağıdakı senatorlar imzalayıblar – Ben Kardin, Lindsi Qrem, Kris Kuns, Pit Riketts, Riçard Durbin, Rocer Uiker, Riçard Blumental, Tom Tillis, Tim Keyn, Den Sallivan, Şeldon Uaythaus və Martin Haynrix.

Senatorların məktubundan bir gün əvvəl Nümayəndələr Palatasının liderləri bildirirdilər ki, Gürcüstan hökuməti öz xalqının iradəsinə, ABŞ və Avropa İttifaqı ilə münasibətlərinə həyasızcasına hücum edir. Konqresmenlər “Gürcü Arzusu”nu qanunu geri çəkilməyə və “dağıdıcı yoldan dönməyə” çağırırlar.