2023-cü ildə 9399 Gürcüstan vətəndaşı Almaniyaya sığınacaq üçün müraciət edib, onlardan 8414-ü ilk dəfə, 985-i isə təkrardan müraciət edənlərdir. Miqrasiya və Qaçqınlar üzrə Federal Qurumun hesabatına əsasən, ötən il Gürcüstan vətəndaşlarının 10 038 müraciətinə baxılıb, onlardan yalnız 0,3%-i təmin edilib.
Əsas xəbərlər
8 vətəndaşa hüquqi qaçqın statusu verilib, 2 nəfərə əlavə müdafiə verilib, 21 vətəndaşa isə ölkədən ixrac olunma qadağası qoyulub. 7964 Gürcüstan vətəndaşının tələbi əsassız olduğu üçün təmin edilməsindən imtina edilib. 2413 müraciətlə bağlı formal qərar qəbul edilib.
2023-cü ildə Gürcüstan Almaniyadan sığınacaq istəyən xarici vətəndaşların sayına görə altıncı yerdə qərarlaşıb. İlk beşlikdə Suriya (104 561 vətəndaş müraciəti), Türkiyə (62 624), Əfqanıstan (53 582), İraq (12 360) və İran (10 206) yer alıb. Gürcüstanı Rusiya (9 028), Somali (5 773), Eritreya (4 230) izləyir.
Ümumilikdə keçən il Almaniyada sığınacaq axtaranların sayı artıb və federal agentliyə yanvar-dekabr aylarında cəmi 351 915 ilkin və təkrar müraciət daxil olub ki, bu da 2022-ci illə (244 132 sığınacaq müraciəti) 44,1% artım deməkdir.
2023-cü ilin avqustunda Almaniya Gürcüstana təhlükəsiz ölkə statusu verib və ilin sonunda iki ölkə arasında qeyri-qanuni miqrasiyaya qarşı mübarizənin gücləndirilməsini nəzərdə tutan saziş imzalanıb. Dekabrın 19-da Tbilisidə səfərdə olan Almaniyanın federal daxili işlər naziri Nensi Fesser Gürcüstan vətəndaşlarının Almaniyada sığınacaq tapmaq şanslarının aşağı olmasından xəbərdar olması üçün məlumat kampaniyası keçiriləcəyini bildirib.
