Amerika Birləşmiş Ştatlarının prezidenti Co Bayden Meksika sərhədi üzərindən ABŞ-a keçməyə çalışan qeyri-qanuni miqrantlar üçün yeni məhdudiyyətlər qoyub. Yaxalansalar, sığınacaq tələb edə bilməyəcəklər və dərhal Meksikaya qaytarılacaqlar. Prezidentin fərmanı bu gündən qüvvəyə minib.
Əsas xəbərlər
Ağ Evdə keçirdiyi mətbuat konfransında Co Bayden ABŞ-a qanuni yolla gələn miqrantlara sığınacaq veriləcəyini bildirib.
Əgər bir şəxs qanuni yollarımızdan istifadə etməməyi, icazəsiz və qanunları pozaraq daxil olmağı seçərsə, sığınacaq alması və ABŞ-da qalması qadağan ediləcək. Bu, bizə sərhədimizə nəzarəti ələ keçirməyə, prosesdə asayişi bərpa etməyə kömək edəcək. Qadağa qeyri-qanuni giriş cəhdlərinin sayı sistemimizin effektiv şəkildə idarə edə biləcəyi səviyyəyə endirilənə qədər qüvvədə qalacaq”, - deyə Co Bayden bildirib.
“CNN” in məlumatına görə, Bayden administrasiyasının yüksək rütbəli rəsmiləri mediaya bildiriblər ki, qadağa sərhəddə hər gün 2500-dən çox insan saxlanılarsa qüvvəyə minəcək və həbslərin sayı 1500-ə düşdükdə götürüləcək. Hazırda ABŞ-Meksika sərhədində hər gün 4000-dən çox qeyri-qanuni miqrant saxlanılır.
Müşayiət olunmayan uşaqlar, insan alveri qurbanları və ciddi tibbi problemləri olan və ya təhlükəsizliyi üçün təhlükə olan insanlar üçün istisnalar ediləcək.
Ağ Ev rəsmiləri deyirlər ki, məhdudiyyət müvəqqətidir və miqrantların sayı təhlükəsiz və idarə oluna bilən səviyyəyə qayıdan kimi aradan qaldırılacaq.
Meksika sərhədi üzərindən ABŞ-a minlərlə Gürcüstan vətəndaşı da keçməyə çalışır.
