Bir neçə saat əvvəl Rustaveli prospektində rus qanununa etiraza görə saxlanılan anti-işğal hərəkatının lideri Davit Katsarava ağır döyülüb. Baş və üz nahiyəsindən çoxsaylı bədən xəsarətləri alan o, İnqorokva klinikasına aparılıb və əməliyyat olunur. Onun burnu və üz sümükləri sınıb.
Əsas xəbərlər
"Parça-parça olmuşam deyir. Mənə zəng elətdirmişdilər. Çox döyülüb, başından zədələr alıb", - Katsaravanın həyat yoldaşı Sopo Xaçapuridze deyir.
Davit Katsarava xüsusi təyinatlıların kordonundan bir neçə metr aralıda dayanmışdı və yəqin ki, açıqlama verərkən robokoplar onun yanına gəlib saxlayıblar. Yayılan görüntülərdə vətəndaş fəalının kordondan necə çıxarıldığı görünür. Bir neçə saat ərzində onun harada olduğu bilinmirdi.
Rus qanunu üçüncü oxunuşda qəbul edildikdən sonra parlament qarşısında dinc nümayiş dağıdılmağa başladı. Rustaveli prospektində Daxili İşlər Nazirliyinin müxtəlif bölmələri ilə yanaşı, su reaktiv maşınları da yerləşdirilib. Daxili İşlər Nazirliyinin bəyanatına görə, aksiya “toplaşma və nümayiş haqqında” qanunla müəyyən edilmiş normaları aşaraq “zorakı xarakter alıb”. Agentlik buna misal olaraq parlament binasının yaxınlığında yerləşən dəmir bəndin zədələnməsini göstərir.
"İctimai asayişin bərpası məqsədilə Daxili İşlər Nazirliyi tərəfindən qanunvericilikdə nəzərdə tutulmuş xüsusi vasitələrdən istifadə olunub", - Daxili İşlər Nazirliyi bəyan edir.
Gürcüstanın Gənc Hüquqşünaslar Assosiasiyasının qiymətləndirməsinə görə, mitinq gün boyu dinc xarakter daşıyıb və indi də davam edir, lakin buna baxmayaraq, heç bir qanuni əsası olmadan polis qüvvələri aksiyanı zorakı üsullarla, o cümlədən xüsusi vasitələrdən istifadə qaydalarını pozmaqla dağıtmağa başlayıb. Qurum xüsusi təyinatlı bölmənin əməkdaşlarını qanunsuz əmrləri yerinə yetirməməyə çağırır.
Daxili İşlər Nazirliyinin verdiyi məlumata görə, bu gün keçirilən aksiyada 13 nəfər saxlanılıb.
