“Mən hansısa Avropa komissarının dediklərinə şərh verə bilmərəm – çoxlu komissar var, onlar daim dəyişir və hər cür axmaqlıqlar danışırlar”, - Rusiya prezidenti Vladimir Putin Gürcüstanın baş naziri İrakli Kobaxidzenin dünənki bəyanatını şərh edib.
Əsas xəbərlər
Oxucunun seçimi
- 1 Parlament vetonu aşaraq 84 səslə rus qanununu qəbul edib
- 2 “Gürcü Xartiyası” - prezident vahid fəaliyyət planı təqdim edib
- 3 Anaklia Dərin Su Limanı Çin-Sinqapur konsorsiumu tərəfindən inşa ediləcək
- 4 Biz Gürcüstanla konfederasiya mövzusunu müzakirə etmək fikrində deyilik - Şamba Kobaxidzenin bəyanatı barədə
- 5 Silahlı qrup “Milli Hərəkat”ın mərkəzi ofisinə basqın edib
- 6 Gürcüstanda vəziyyətin sabitliyi pozulur və aksiyalar maliyyələşdirilir - Rusiyanın Müdafiə Naziri
Kremldə Belarus prezidenti Aleksandr Lukaşenko ilə keçirdiyi mətbuat konfransında “Russia Today” təbliğat mediasının nümayəndəsi Putinə “Kollektiv Qərb”lə razılaşmayan liderlərin “qəribə tendensiyası” barədə sual verib. Jurnalistin sözlərinə görə, Gürcüstanın baş naziri bildirib ki, “rus qanunu” qəbul ediləcəyi təqdirdə Avropa komissarlarından biri onu Slovakiyanın baş nazirinin taleyini bölüşməklə hədələyib. “Buna necə baxırsınız? Bu, yeni dünya nizamıdır, yoxsa Kollektiv Qərbin yeni siyasətidir?”, - deyə jurnalist sual verib.
“Əgər doğrudan da sizin dediyiniz kimidirsə, o zaman buna “siyasi cəfəngiyyat”dan başqa heç nə demək olmaz. Bu, sadəcə bir biçimsizlikdir. Təəssüf ki, xüsusilə bu istiqamətdə orta səviyyəli məmurların məsuliyyətsizliyi artır. Biz özümüz çox vaxt bununla qarşılaşırıq. Bu, yalnız təəssüf hissi doğurur”, - Putin bildirib.
Mayın 23-də Gürcüstanın baş naziri “xarici agentlər” haqqında rus qanunu ilə bağlı “bütün bir sıra” yüksək rütbəli xarici siyasətçilərin “uzunmüddətli şantajı” fonunda belə, Avropa komissarlarından biri ilə telefon danışığında edilən hədənin heyrətləndirici olduğunu bəyan edib. Kobaxidzenin dediyi kimi, Avropa komissarı Qərb siyasətçilərinin vetonu aşdıqdan sonra görə biləcəyi bir sıra tədbirləri sadalayıb və bu tədbirləri sadalayarkən qeyd edib ki, “Fitsonun başına nə gəldiyini görürsünüz və çox diqqətli olmalısınız”.
“Şəffaflıq haqqında qanunla bağlı şantaj kontekstində bir neçə gün əvvəl terror hücumuna məruz qalmış və hazırda müalicəsi davam edən Slovakiyanın baş nazirinin adını çəkdikdə, bu, bizi çox narahat edir”, - Kobaxidze bildirib və əlavə edib ki, “ilkin məlumatlara görə” Fitsoya hücumun arxasında “qlobal müharibə partiyası ilə xüsusilə sıx əlaqəli olan ölkənin xüsusi xidmət orqanlarından birinin izləri” aşkar edilib.
Daha sonra Avropanın Qonşuluq və Genişlənmə məsələləri üzrə komissarı Oliver Varhey bəyanat yayıb və izah edib ki, İrakli Kobaxidze onun telefon danışığının müəyyən hissəsini tamamilə kontekstdən kənar yayıb. “Bu, nəinki tamamilə kontekstdən çıxarıldı, həm də ictimaiyyətə elə təqdim edildi ki, mənim telefon danışığımın ilkin bəyan edilmiş məqsədinin tamamilə yanlış təfsirinə gətirib çıxara bilsin”, - Macarıstanlı Avropa komissarı bildirib.
