«Ես չեմ կարող մեկնաբանել այն, ինչ ասել է ԵՄ ինչ-որ հանձնակատար։ Հանձնակատարները շատ են, նրանք անընդհատ փոխվում են և ամեն տեսակ հիմարություններ են խոսում»,- այսպես է ՌԴ նախագահ Վլադիմիր Պուտինը մեկնաբանել Վրաստանի վարչապետ Իրակլի Կոբախիձեի մայիսի 23-ի հայտարարությունը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Բելառուսի նախագահ Ալեքսանդր Լուկաշենկոյի հետ Կրեմլում տեղի ունեցած մամուլի ասուլիսում Russia Today-ի ներկայացուցիչը Պուտինին հարցրել է այն առաջնորդների «տարօրինակ միտումի» մասին, որոնք համաձայն չեն «կոլեկտիվ Արևմուտքի» հետ։ Ըստ լրագրողի՝ Վրաստանի վարչապետն ասել է, որ ռուսական օրենքի ընդունման դեպքում եվրահանձնակատարներից մեկը սպառնացել է, որ նա կկիսի Սլովակիայի վարչապետի ճակատագիրը։ «Ինչպե՞ս եք դրան վերաբերվում։ Սա նոր աշխարհակա՞րգ է, թե՞ հավաքական Արևմուտքի նոր քաղաքականությունը»,- հարցրել է լրագրողը։
«Եթե իսկապես այդպես է, ինչպես ասում եք, ապա դա կարելի է անվանել ոչ այլ ինչ, քան «քաղաքական անհեթեթություն»: Դա ուղղակի տգեղ երևույթ է: Ցավոք սրտի, միջին օղակի պաշտոնյաների անպատասխանատվությունը հատկապես այս ուղղությամբ գնալով ավելանում է։ Մենք ինքներս հաճախ ենք բախվում դրան: Սա միայն ափսոսանքի է հանգեցնում»,- ասել է Պուտինը։
Մայիսի 23-ին Վրաստանի վարչապետը հայտարարել է, որ այսպես կոչված օտարերկրյա գործակալների մասին ռուսական օրենքի հետ կապված «մի շարք» բարձր մակարդակի օտարերկրյա բարձրաստիճան քաղաքական գործիչների «երկարատև շանտաժի պայմաններում, ԵՄ հանձնակատարներից մեկի հետ հեռախոսազրույցում հնչած սպառնալիքը ապշեցուցիչ էր»։ Ինչպես ասել է Կոբախիձեն՝ եվրահանձնակատարը թվարկել է մի շարք միջոցներ, որոնք կարող են ձեռնարկել արևմտյան քաղաքական գործիչները թափանցիկության օրենքի վրա վետոն հաղթահարելուց հետո, և այդ միջոցները թվարկելիս նշել է․ «տեսա՞ք ինչ տեղի ունեցավ Ֆիցոյի հետ, շատ զգույշ եղեք»:
Երբ թափանցիկության մասին օրենքի հետ կապված շանտաժի համատեքստում նշում են օրեր առաջ ահաբեկչության ենթարկված Սլովակիայի վարչապետին, ով այս պահին բուժման կուրս է անցնում, դա մեզ համար չափազանց մտահոգիչ է»,- ասել է Կոբախիձեն և հավելել, որ Ֆիցոյի վրա հարձակման հետևում «նախնական տեղեկատվությունը» մատնանշում է «երկրներից մեկի հատուկ ծառայությունների հետքը, որը հատկապես սերտորեն կապված է գլոբալ պատերազմի կուսակցության հետ»։
Ավելի ուշ Հարևանության և ընդլայնման հարցերով եվրահանձնակատար Օլիվեր Վարհեին հայտարարություն է տարածել և բացատրել, որ Իրակլի Կոբախիձեն իրենց հեռախոսազրույցի որոշակի հատվածը բոլորովին համատեքստից կտրված է ներկայացրել։ «Այն ոչ միայն ամբողջությամբ կտրվել է համատեքստից, այլ այնպես է ներկայացվել հանրությանը, որ կարող է պատճառ դառնալ, որ իմ հեռախոսազանգի սկզբնական նպատակը լիովին սխալ մեկնաբանվի», - ասել է հունգարացի եվրահանձնակատարը:
