İyulun 1-dən müddəti başa çatan koronavirus infeksiyasının yayılması ilə əlaqədar Azərbaycan ərazisində tətbiq olunan xüsusi karantin rejimi oktyabrın 1-si saat 06:00-dək uzadılıb. Müvafiq sərəncamı Baş Nazir Əli Əsədov imzalayıb. Bu o deməkdir ki, ölkənin quru sərhədləri ən azı oktyabrın 1-dək bağlı olacaq.
Əsas xəbərlər
Ümumdünya Səhiyyə Təşkilatı “Covid-19” pandemiyası ilə bağlı qlobal fövqəladə vəziyyətin başa çatdığını mayın 5-də elan edib. Buna baxmayaraq, Azərbaycan Nazirlər Kabineti quru sərhədlərin keçmilməsinə qoyulan qadağanın müddətinin uzadılması barədə qərar qəbul edib.
Azərbaycanın beş dövlətlə - Gürcüstan, Rusiya, Ermənistan, Türkiyə və İranla quru sərhədi var. 2020-ci ilin mart ayından, ölkə ərazisinə daxil olmaq və ya çıxmaq yalnız hava nəqliyyatı ilə mümkündür.
Quru sərhədlərinin bağlanması Azərbaycanda üç ildir ki, qüvvədə qalan yeganə karantin tədbiridir. Hökumət bu məsələyə münasibət bildirmir və hər dəfə karantin rejiminin davam etdirilməsi ilə bağlı oxşar qısa bəyanatlar verir.
2009-cu il əhalinin siyahıya alınmasına əsasən, Azərbaycan Respublikasında 9900 Azərbaycan vətəndaşı gürcü yaşayır. Qeyri-rəsmi məlumatlara görə, onların sayı 15 mini keçir. Gürcülər əsasən Qax, Zaqatala və Bələkən bölgələrində yaşayırlar. Gürcüstanda yaşayan etnik Azərbaycanlı Gürcüstan vətəndaşlarının sayı da xeyli çoxdur. 2014-cü ilin siyahıyaalınmasına əsasən, onların sayı 233,024 nəfər olub ki, bu da bütün əhalinin 6,3%-ni təşkil edir.
BBC Azərbaycan Dövlət Statistika Komitəsinin məlumatlarına əsaslanaraq yazıb ki, 2019-cu ildə koronavirus pandemiyası başlamazdan əvvəl Gürcüstandan Azərbaycana 601 min nəfər daxil olub ki, bunun da yalnız 11 mini və ya 2 faizdən azı təyyarə ilə gedib. 2022-ci ildə bağlı quru sərhədləri şəraitində Gürcüstandan Azərbaycana 83 min insan uçub. 2019-cu ildə Azərbaycandan Gürcüstana 1,35 milyon insan daxil olub - 1,337 milyon insan sərhədi quru, 16 000 nəfər isə hava yolu ilə keçib. 2022-ci ildə Gürcüstana 128 min Azərbaycan vətəndaşı daxil olub və onların hamısı təyyarədən istifadə edib.
