Batumi Dövlət Universitetinin (BDU) və Dənizçilik Akademiyasının tələbələri səhər saatlarından etibarən BDU-nun qarşısında aksiya keçirir və “Gürcü Arzusu” “xarici agentlər haqqında” rus qanununu parlamentdən geri götürənədək qədər auditoriyalara qayıtmayacaqlarını bildirirlər. Onlar mühazirəçiləri də etiraza qoşulmağa çağırırlar.
Əsas xəbərlər
“Dənizçilik Akademiyasının tələbələri tarixin doğru tərəfindədirlər və mən bütün mühazirəçiləri çölə çıxmağa çağırıram. İş yerlərini itirməkdən qorxmayın. Gürcüstan sizin əlinizdədir. Bu ölkə bizim əlimizdədir”;
“Biz həmvətənlərimizlə, həmyaşıdlarımızla və aksiyalara gələn, təzyiqə və döyülməyə məruz qalan hər kəsə həmrəyliyimizi bildiririk. Biz səsimizi çatdırana qədər və rus qanunu geri götürülənə qədər burada dayanacağıq”;
“Bu qanununun bizim üçün yaxşı olmadığını düşünən tələbələr itaətsizliyə qoşulmaq qərarına gəldik. Dənizçilik Akademiyası, İncəsənət Universiteti və Qriqol Robakidze Universitetinin tələbələri də itaətsizlik elan edirlər. Məhz tələbələr, gənclər rus qanuna və rus hökumətinə “yox” demək gücünə malikdirlər. Tələbə və gənclərlə mübarizədə heç kim qalib gəlməyib və bu məqam da istisna olmayacaq”;
“Biz Rusiyanın təsiri altında olacaq bir ölkədə təhsil almaq istəmirik. Məqsədimiz Avropa və müstəqil Gürcüstanda yaşamaqdır”;
“Biz konkret qanuna qarşı mübarizəyə başladıq, lakin o, azadlıq uğrunda mübarizəyə çevrildi. Şəxsən mənə səhər tezdən zəng vurub dedilər ki, paytaxta gəlsən, sümüklərimi sındıracaqlar. Bu, birbaşa gürcü insanının ləyaqətinə və azadlığına zərbə vurur. Gənclər bu onilliklərdə bir dəfə yalnız onların ləyaqətinə və azadlığına toxunulduqda çıxırlar”, - deyə itaətsizlik elan edən tələbələr bildiriblər.
Bir neçə mühazirəçi jurnalistlərə mühazirə keçirməyəcəklərini, tələbələrin yanında olacaqlarını bildiriblər.
Hazırda Gürcüstanda 20-dən çox universitetin tələbələri itaətsizliyə qoşulur, o cümlədən:
Tbilisi Dövlət Universiteti
İlya Dövlət Universiteti
Gürcüstan İctimai Əlaqələr İnstitutu (GIPA)
Gürcüstan Universiteti, Alte Universiteti
Tbilisi Rəssamlıq Akademiyası
Qafqaz Universiteti
Batumi Şota Rustaveli Universiteti
Biznes və Texnologiya Universiteti
Gürcüstan Milli Universiteti
Qara Dəniz Beynəlxalq Universiteti
Azad Universitet və Aqrar Universitet
Dövlət Teatr və Kino Universiteti
Gürcüstan-Amerika Universiteti
Alterbridge
Soxumi Dövlət Universiteti
Gürcüstan Texniki Universiteti
Şərqi Avropa Universiteti
Samtsxe-Cavaxeti Dövlət Universiteti
Kutaisi Beynəlxalq Universiteti
Qriqol Robakidze adına universitet
Batumi Dənizçilik Akademiyası
Bu gün, mayın 13-də parlamentin Hüquq Məsələləri Komitəsinin iclasında rus qanunu üçüncü oxunuşda müzakirə edilərək dəstəklənib. Müxalifət bir dəqiqə davam edən iclasa daxil ola bilməyib.
Vətəndaşlar komitə iclasından əvvəl gecəni parlament ətrafındı keçiriblər. Səhər tezdən hökumət onların dinc nümayişini dağıdıb və “Gürcü Arzusu”nun deputatlarının qanunverici orqana daxil olması üçün parlamentin girişlərini təmizləyib. Daxili İşlər Nazirliyi aksiyada 20 nəfəri həbs edib. Onların bəziləri Xüsusi Təyinatlılar tərəfindən amansızcasına döyülüb.
Hakim partiya rus qanununu mayın 14-də keçiriləcək plenar iclasda üçüncü, yekun oxunuşda qəbul etmək niyyətindədir.
