Bu gün Gürcüstan siyasətində İvanişvilidən başqa oliqarx yoxdur - Zurabişvili

Suala - Avropa Komissiyasının “de-oliqarxizasiya” ilə bağlı tövsiyəsini necə başa düşürsünüz, Bidzina İvanişvilini oliqarx hesab edirsinizmi? - Gürcüstan prezidenti cavab verir:

“Hesab edirəm ki, de-oliqarxizasiyanın cavabı növbəti seçkilərdədir. Biz otuz ildir ki, birpartiyalı hakimiyyət sistemindəyik. De-oliqarxizasiya o deməkdir ki, bizə real koalisiya ilə, Avropayönlü cəbhə ilə mümkün qədər azad seçkilər lazımdır. İki il yarım, üç ildir onunla heç bir əlaqəm yoxdur. Xarici siyasətdən başqa onunla başqa söhbətim olmayıb. Aİ-yə səfərimdən qayıdanda nə etməli olduğumuz barədə fikirlərimi bölüşməyə gəldim. Bu, real dialoqdan daha çox monoloq idi. Onun nə düşündüyünü heç kim bilmir”, - Salome Zurabişvili deyir.

Jurnalist Gürcüstan prezidentinə Bidzina İvanişvilinin Rusiyanın təsiri altında olub-olmamasını soruşub?

“O, Rusiyada sərvət toplayan oliqarxdır. Deməli, mentalitet keçmişdə yaşadıqlarından təsirlənir. Bu gün dünya iki yerə bölünüb. O, Rusiyanın məğlub olacağını təsəvvür edə bilməyənlər sırasındadır, buna görə də Rusiyanın daha da aqressiv ola biləcək qələbəsinə əvvəlcədən uyğunlaşmağa çalışır.

Onun təsiri ilə hakimiyyətdə olan, Avropada təhsil almış gənclər Rusiyaya qarşı zəif və yaltaq mövqe nümayiş etdirirlər. Bu, yeni geosiyasi vəziyyətin pis qavranılmasıdır.

Digər bir hissə, xüsusən də gənclər düşünürlər ki, Rusiya heç vaxt əvvəlki kimi olmayacaq. O, artıq bir çox cəhətdən - hərbi və nüfuz baxımından məğlub olub:  O, Finlandiya və İsveçi NATO-ya daxil olmasına təsir edib və tezliklə Ukrayna, Moldova və Gürcüstanın Aİ-yə inteqrasiyasını da sürətləndirəcək. Bütün bunlar Rusiyanın “dəstəyi” ilə baş verəcək, çünki bizim gündəliyimiz belə sürətli temp üçün nəzərdə tutulmayıb. Bu Rusiya məğlub olub”, - Salome Zurabişvili bildirib.

Gürcüstan prezidenti Avropa Parlamentinin onu çağırdığı Mixeil Saakaşvilini əfv edib-etməyəcəyi ilə bağlı suala belə cavab verib: “Sizi inandırıram, o, daha yaxşı olduğunu deyir. O, seçkilər üçün öz ofisini açıb. O, tibbi klinikadadır. Ona qarşı iki yeni məhkəmə prosesi var. Xaricə getmək istəmək əvəzinə, seçki kampaniyasına qatılmaq niyyətində olduğunu vurğulayır. Başqa şərhim yoxdur”.

Prezidentin sözlərinə görə, hakim partiyanın ona qarşı impiçment cəhdi uğursuz olsa da, o, Avropaya səfərini dayandırmaq fikrində deyil: “Konstitusiya Məhkəməsində bu ittihama qarşı çıxdım, lakin onun özünün də digər qurumlar kimi müstəqilliyi azdır. Bu gün bu qapanmış bir işdir.

Təhlükə daimidir. Ola bilsin ki, başqa bir şey tapsınlar, amma heç şübhə yoxdur ki, səyahətimi dayandırmayacağam”.

Noyabrın 8-də Avropa Komissiyası Gürcüstana bəzi islahatların həyata keçirilməsi şərti ilə də olsa, Aİ üzvlüyünə namizəd statusunun verilməsi tövsiyəsini verib. Avropa Komissiyasının müəyyən etdiyi şərtlərdən biri müxalifət partiyalarının və vətəndaş cəmiyyətinin cəlb edilməsi ilə Venesiya Komissiyasının tövsiyələrinə uyğun olaraq de-oliqarxizasiya üzrə mövcud fəaliyyət planının təkmilləşdirilməsidir.