Bir neçə ay ərzində Ermənistandan Rusiyaya yüklərin daşınması üçün Gürcüstan ərazisindən keçən bərə xidmətindən istifadə edilirdi. Bu marşrut “Zemo Lars”a alternativ hesab olunurdu, lakin Ermənistanın iqtisadiyyat naziri Vaan Kerobyanın sözlərinə görə, o, “kifayət qədər maraq” oyatmayıb və dayandırılıb.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Qanun dəyişdirilməsə, məsul şəxslərə və onların ailələrinə qarşı məhdudiyyətlər tətbiq olunacaq - O’Brayen
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
“Biz ixrac edən və idxal edən şirkətlərin bərədən elə istifadə etdiyini görmədik ki, bizi və tərəfdaşlarımızı bu proqramı davam etdirməyə inandırmaq mümkün olsun. Bir müddət bərə marşrutu ilə xidmət göstərdik, lakin hadisələrin inkişafı göstərdi ki, biz əsas səylərimizi digər ölkələrə ixracın artırılmasına yönəltməliyik”, - deyə Kerobyan bildirib.
Ermənistan ixracı şaxələndirmək üçün müxtəlif addımlar atmağa hazırlaşır. İqtisadiyyat nazirinin sözlərinə görə, əsas istiqamət Yaxın Şərq olacaq və Fars körfəzi, Asiya, Avropa və Amerika ölkələri də önəmlidir.
“Biz səylərimizi yalnız bir istiqamətdə cəmləməkdən, daha dərin şaxələndirməyə keçəcəyik”, - nazir qeyd edib.
2023-cü ildə Ermənistanın ümumi yük dövriyyəsindəki payı bir qədər azalsa da, Rusiya Ermənistanın ən böyük ticarət tərəfdaşı olaraq qal;rdı. Vahan Kerobyanın sözlərinə görə, Rusiyadan sonra Birləşmiş Ərəb Əmirlikləri, Çin, Gürcüstan və ABŞ gəlir. Bu sonuncular Ermənistanın əsas ticarət tərəfdaşları siyahısına ilk dəfə 2023-cü ildə daxil olub.
Ermənistan ötən ilin mayında Batumi-Novorossiysk-Batumi marşrutu ilə Rusiyaya yük daşımağa başlayıb. Gündəlik bir uçuş həyata keçirilib. Özəl şirkətlərin nümayəndələri iddia edirdilər ki, bu yolla ixracatçı-idxalçılar məhsulu Rusiyaya vaxtında çatdıra biləcəklər. Gürcüstanın Dəniz Nəqliyyatı Agentliyi izah edib ki, dənizə çıxışı olmayan Ermənistan ənənəvi olaraq Gürcüstan limanlarından istifadə edir və beynəlxalq ticarət aparır. Agentliyin məlumatına görə, bərə xidməti tamamilə kommersiya xarakteri daşıyırdı.
Hazırda “Zemo Lars” Ermənistan və Rusiyanı birləşdirən yeganə quru nöqtəsidir. Hava şəraiti pisləşdikdə və ya tranzit axınları artdıqda, keçid məntəqəsinin hər iki tərəfində tez-tez uzun yük maşınları növbələri yaranır.
