“Formula” teleşirkəti fevral-mart aylarında verilişlərin bir hissəsini bağlayacaq. Kanal rəhbərliyinin sözlərinə görə, yaranan problemlər səbəbindən yayım yeni formata keçir, işçilərin sayı azalır və efirdə yalnız xəbər və analitik məzmunlu proqramlar qalır.
Əsas xəbərlər
“Bu qərarla paralel olaraq biz yenidən təşkilatlanmalı, kanalın əyləncə seqmentini məhdudlaşdırmalı və heyəti optimallaşdırmalıyıq. Nəticədə, kadr ehtiyatlarının azalması və təəssüf ki, komandamızın çox vacib hissəsi ilə vidalaşmalı oluruq. Bu, “Formula” üçün ağır faktdır, çünki bu kanalın hər bir əməkdaşı həmişə harada işlədiyini, hansı çətin vəziyyətdə olmalı olduğunu, “Formula”nın missiyasının nə olduğunu yaxşı anlayırdı. Biz onların əməyini yüksək qiymətləndirir və oliqarx sistemə qarşı mübarizədə fədakarlıqlarına görə təşəkkür edirik.
“Formula” teleşirkəti reytinq artımının stabil olmasına baxmayaraq, ötən il nəzərdə tutulan vəsaiti səfərbər edə bilməyib. Prosesə siyasi konyuktura ilə yanaşı, ölkədə qüvvədə olan, əsas vəzifəsi tənqidi medianın maliyyə mənbələrini azaltmaqdan ibarət olan tənzimləmələr də təsir etdi. Bu səbəblərə görə Gürcüstanda fəaliyyət göstərən bütün tənqidi yayımçılar optimallaşdırma aparmalı idi, indi biz də optimallaşdırma aparmalıyıq.
Mövcud reallığa əsaslanaraq, hazırkı mərhələdə 2024-cü il seçkiləri ilə bağlı ictimaiyyəti mümkün qədər məlumatlandırmaq və ölkəmizin qərb dəyərləri uğrunda mübarizədə nəticə əldə etmək məqsədilə “Formula” televiziya şirkəti qərar qəbul edir ki, ictimai-siyasi məzmunu seçsin və bu bizim fikrimizcə, bu gün ölkəmiz vətəndaşları üçün ən vacib şeydir”, - teleşirkətin bu gün, yanvarın 31-də yaydığı məlumatda deyilir.
“Formula” bağlanacaq verilişlərin adlarını açıqlamayıb. İa Parulava və Tatia Şaranqia dünən bildiriblər ki, onların “Gəlin İa Parulava ilə söhbət edək” və “Story” şouları bağlanır. Nodar Çaçanidzenin həftəlik proqramı “Bölgənin Səsi” 2024-cü ildən bağlanıb.
“Formula” teleşirkəti 2019-cu ildə yaradılıb və 2023-cü ilin avqust ayına qədər onun nəzarət paketi, 51% payı 2006-2008-ci illərdə Gürcüstanın müdafiə naziri olmuş, iş adamı Davit Kezeraşviliyə məxsus olub. “BBC”nin jurnalist araşdırması dərc edildikdən sonra Kezeraşvili öz payının 25%-ni “Formula”nın əməkdaşlar birliyinə, qeyri-kommersiya hüquqi şəxs “Azadlıq Formulasına” verib. “BBC”nin araşdırmasına görə, Gürcüstanın keçmiş müdafiə naziri qlobal fırıldaqçılıq sxeminin arxasında dayanıb. Kezeraşvili bu məlumatı təkzib edib.
