“Reytinqimiz xeyli artıb, bu o deməkdir ki, Gürcüstan cəmiyyəti bu gün ölkəmizdə həyata keçirilən ümumi siyasəti bəyənir”, - “Gürcü Arzusu”nun sədri İrakli Kobaxidze, əsasən yalnız hakim partiyanın namizədlərinin iştirak etdiyi növbədənkənar və aralıq seçkilərini belə qiymətləndirib.
Əsas xəbərlər
Aprelin 29-da Poti-Xobi-Senaki seçki dairəsində parlamentin majoritar deputatları, Terjoli və Tsageri bələdiyyələrində mer, Kutaisi, Tkibuli, Qurcaani, Axaltsixe və Tianetidə isə şəhər şurasının majoritar deputatları seçkiləri keçirilib. “Gürcü Arzusu”nun namizədin rəqibi yalnız Poti-Xobi-Senaki seçki dairəsi və Tkibulidə olub.
“Radikal müxalifət heç bir rayonda namizəd irəli sürməyə cəsarət etmədi ki, bu da onların “Gürcü Arzusu”nun yüksək reytinqini və öz aşağı reytinqlərini yaxşı dərk etdiklərinin sübutudur”. Seçki məhdud rəqabət şəraitində keçirilsə də, yüksək fəallıq oldu və buna görə hər bir seçiciyə təşəkkür edirik.
Qeyd edilməlidir ki, bütün seçki dairələrində “Gürcü Arzusu” 2021-ci il bələdiyyə seçkilərində əldə etdiyi nəticələri yaxşılaşdırıb.
Xüsusilə, Poti-Xobi-Senaki seçki dairəsində 2021-ci ildə 23 min səs topladığımız halda namizədimiz 27 mindən çox səs toplayıb. Terjoli bələdiyyəsində namizədimiz 11500 səs toplamışdısa, 2021-ci ildə 9000 səs topladıq. Tsageri bələdiyyəsində 2021-ci il seçkilərinin nəticəsi 3200 səs olduğu halda namizədimiz 4500 səs toplayıb. Kutaisidə namizədimiz 3600 səs toplamışdısa, 2021-ci ildə biz 5300-dən çox səs topladıq. Tkibulidə namizədimiz 2021-ci ildə 1300-dən az səs aldığı halda, 1500 səs aldı. Qurcaanidə namizədimiz 2021-ci ildə 1000 səs aldığı halda, 1350 səs aldı. Axaltsixedə namizədimiz 2021-ci ildə 300 səs topladığı halda 450-dən çox səs topladı, nəhayət, Tianetidə 2021-ci ilin nəticəsi 150 səs ididə namizədimiz 350 səs aldı”, - Kobaxidze bildirib.
Qiorqi Xaxubia parlamentdə Poti, Xobi və Senakinin majoritar deputatı oldu. Mərkəzi Seçki Komissiyasının ilkin nəticələrinə görə, o, səslərin 95%-ni (27553 səs), “Azad Gürcüstan” partiyasının namizədi Besik Tsuleyskiri isə təxmini 5%-ni (1359 səs) toplayıb. Majoritar seçki dairəsi üzrə 105 min 314 seçici qeydə alınıb. Qiorqi Xaxubia həmin rayonun keçmiş majoritar deputatı İrakli Xaxubianın oğludur. 2022-ci ilin oktyabrında İrakli Xaxubia öz evində ölü tapılıb.
Tsagerinin meri 4825 səslə, rəqibsiz Levan Zalkaliani olub. 2021-ci il oktyabrın 2-də keçirilən yerli özünüidarəetmə orqanlarına seçkilər nəticəsində “Gürcü Arzusu”ndan bələdiyyə sədri seçilən Qiorqi Nemsadzenin 2022-ci ilin noyabrında istefa verməsindən sonra 10 496 seçicinin qeydə alındığı bələdiyyədə növbədənkənar seçkilərin keçirilməsi zərurəti yaranıb.
Terjoli şəhərinin meri 11511 səs toplayan Manuçar Robakidze olacaq. Seçki dairəsi üzrə seçicilərin sayı 32254 nəfərdir. Manuçar Robakidze də merliyə yeganə namizəd idi. Laşa Qoqiaşvilinin ölümündən sonra Terjoli bələdiyyəsində növbədənkənar seçkilər təyin edilib. Qoqiaşvili 2020-ci ildən mer vəzifəsini tutub. 2022-ci ilin oktyabrında avtomobil qəzasında həyatını itirib.
Kutaisi Şəhər Şurasının majoritar üzvü Mixeil Qiorqadze olub. MSK-nın ilkin nəticələrinə görə, o, 5331 seçicinin səsini toplayıb, birinci majoritar dairə üzrə qeydə alınmış seçicilərin sayı isə 25761 nəfərdir.
Qurcaani şəhərinin 8-ci majoritar dairəsində şuranın üzvü 1347 seçicinin səs verdiyi Zurab Muxulişvili seçilib. Rayon üzrə ümumilikdə 3716 seçici qeydə alınıb.
Tianeti Şəhər Şurasının üzvü 345 seçicinin səs verdiyi 2-ci majoritar dairədən olan İoseb Matureli olacaq. Rayon üzrə 886 seçici qeydə alınıb.
979 seçicinin olduğu Axaltsixenin 11-ci majoritar dairəsində Roin Nebadze 463 səslə Şəhər Şurasının üzvü seçilib.
Tkibulinin birinci majoritar dairəsi “Gürcü Arzusu”nun namizədi Qiorqi Kereselidzenin rəqibinin olduğu yeganə rayondur. Kereselidze 1321, müstəqil namizəd Qiorqi Qaqoşidze isə 204 səs toplayıb. Rayonda 5650 seçici var.
