2023-cü ilin 10 ayı ərzində Rusiya ununun ən böyük alıcısı İraq, ikinci yerdə isə Gürcüstan idi. “İnterfaks” nəşri Rusiya Kənd Təsərrüfatı Nazirliyinin “Aqroeksport” agentliyinə istinadən yazır ki, Gürcüstana 126 min ton un ixrac edilib.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
Yanvar-oktyabr aylarında Rusiya 990 min ton buğda və buğda-çovdar unu ixrac edib ki, bu da bütün 2022-ci ilin ixrac həcmini üstələyir.
“Ötən ilin sonunda ikinci yerdə olan İraq ən böyük un alıcısı oldu. Yanvar-oktyabr aylarında bu ölkəyə 150 min tondan çox Rusiya unu göndərilib ki, bu da 2022-ci ilin 10 ayında göndəriləndən 17% çoxdur. İkinci yeri 126 min ton ixrac edilən Gürcüstan tutur. Çin də Rusiya ununun alışını 3,7 dəfə artıraraq 100 min tondan çox təşkil edən ilk üçlüyə daxil olub. 2022-ci ildə Çinə 37 min ton, 2021-ci ildə isə 13 min tondan az un gedib”, - “İnterfaks” yazır.
Gürcüstan Milli Statistika Xidmətinin məlumatına görə, 2023-cü ilin yanvar-oktyabr aylarında Gürcüstana 33 848 750 ABŞ dolları dəyərində buğda və ya buğda-çovdar unu idxal edilib. Bunun 32 554 860 dolları Rusiya ununun payına düşür. Ötən illə müqayisədə idxal azalıb - 2022-ci ilin 10 ayında Gürcüstana idxal edilən Rusiya buğdası və ya buğda-çovdar ununun dəyəri 54 503 170 dollar təşkil edib. 2022-ci ildə Gürcüstan Rusiya ununun ən böyük idxalçısı olub.
