2023-cü ilin ilk beş ayında Rusiyaya gürcü şərabının tədarükü artıb və Gürcüstan idxalçı ölkələr arasında birinci yeri tutub. Bu barədə Rusiyanın “Kommersant” nəşri gömrük məlumatlarına əsaslanaraq yazır. İkinci yerdə İtaliyadır.
Əsas xəbərlər
Oxucunun seçimi
“Kommersant”ın məlumatına görə, yanvar-may aylarında Rusiyaya Gürcüstandan 24,15 milyon litr, İtaliyadan isə 23,36 milyon litr şərab daxil olub. İllik olaraq bu ölkələrdən idxal, müvafiq olaraq 63% və 31% artıb.
“Nəticədə, Rusiyaya şərab tədarükündə Gürcüstanın payı 19,1%-ə, İtaliyanın isə 18,5%-ə çatıb. Bu dövrdə İspaniyadan şərab idxalı illik 25% artaraq 20,46 milyon litrə, Fransadan 23% artaraq 10,04 milyon litrə, Portuqaliyadan 69% artaraq 9,61 milyon litrə çatıb”, - “Kommersant” yazır.
Bu ilin birinci rübündə Gürcüstan Rusiyaya şərab tədarük edən ölkələr arasında ikinci yerdə idi. “Fort” şərab ticarəti şirkətinin icraçı direktoru Aleksandr Lipilin deyir ki, Gürcüstandan idxalın artımı 2022-ci ilin sonunda başlayıb və bu, ödəniş və logistika problemlərinin olmaması ilə bağlıdır. Onun sözlərinə görə, aşağı və orta qiymət seqmentində gürcü şərabının payının artması əsasən pərakəndə satış şəbəkələrinin idxalı hesabına təmin edilir. Alkoqol bazarının liderlərindən biri, “AST” şirkətinin baş direktoru Leonid Rafailov qeyd edir ki, şəbəkələr özləri şərab istehsalçıları ilə birbaşa əlaqəyə giriblər və piştaxtada müştərilərə minimum qiymətlər təklif edə bilərlər.
Sahənin nümayəndələrinin fikrincə, gürcü şərabı aşağı qiymət dəyişkənliyi ilə xarakterizə olunur və sıfır idxal vergisinə məruz qalır, məsələn, İtaliyadan Rusiyaya şərab idxalına ödənişlərlə bağlı çətinliklər, məzənnənin artması və müəyyən mövqelərdə daha yüksək qiymətlər mane olur.
“Kommersant” yazır ki, pərakəndə ticarətdə gürcü şərabları orta qiymət kateqoriyasında rus şərabları ilə rəqabət aparır. İrii şərab istehsalçılarından biri deyir ki, xaricdən gətirilən şərabın ümumi üstünlük təşkil etməsi yerli istehsalçılar üçün problem yaradır.
Təbii üzüm şərabları Gürcüstanın ən böyük ixrac malıdır və bu gün ümumi yerli ixracın 8,4%-ni təşkil edir. Milli Statistika Xidmətinin ilkin məlumatlarına görə, 2023-cü ilin yanvar-may aylarında 103,252,300ABŞ dolları dəyərində şərab ixrac edilib ki, bu da ötən ilin müvafiq dövrü ilə müqayisədə 23,718,2 00 ABŞ dolları çoxdur.
Ukraynadakı müharibə fonunda Gürcüstan Rusiya ilə ticarət-iqtisadi əlaqələrini kəsməyib. Bu ilin ilk beş ayında Rusiya Gürcüstanın ən böyük ixrac tərəfdaşı olub (219,3 milyon ABŞ dolları). Ondan sonra Çin, Türkiyə, Bolqarıstan, Ermənistan və Azərbaycan gəlir.
