Baş nazir İrakli Ğaribaşvili hökumətin bugünkü iclasında Gürcüstanda yeni tranzit hava limanının tikintisinin nəzərdən keçirildiyini bildirib. Onun sözlərinə görə, Tbilisi Beynəlxalq Aeroportu günün tələblərinə cavab verir, lakin iddialı məqsədlərə cavab verə bilmir.
Əsas xəbərlər
“Bu, bizim, mən deyərdim, kifayət qədər iddialı qərarımızdır, amma hesab edirəm ki, bu gün bizim imkanlarımız, təcrübəmiz və ən əsası, regionda əsl aviasiya mərkəzi olmaq məqsədimiz var. Dəfələrlə demişik ki, ölkənin bunun üçün potensialı var. Biz bu məqsədlə işə başladıq”, - deyə baş nazir bildirib.
İrakli Ğaribaşvilinin sözlərinə görə, hökumət iki variant işləyib - mövcud hava limanının inkişafı və genişləndirilməsi və yenisinin tikintisi.
“Bu hava limanının çatışmazlıqları və məhdudiyyətləri də var və böyük inkişaf üçün imkan vasitəsi ola bilmir. Xüsusən də biz regionda aviasiya mərkəzi olmaq istəyiriksə, bu hava limanı və onun yerləşdiyi yer, ərazi buna imkan vermir. Biz İqtisadi Şurada bu məsələni qaldırdıq, müzakirə etdik və belə qənaətə gəldik ki, əgər biz 20, 50, hətta 100 il perspektivdə ölkənin qayğısına qalmaq, gələcək nəsillərimizə layiqli hava limanı buraxmaq istəyiriksə, yeni yer seçmək lazımdır. Belə yer Tbilisidədir və demək olar ki, bu məqsəd üçün idealdır. Bu Vazianinin keçmiş aerodromudur. Mənim tapşırığımla İqtisadiyyat Nazirliyi bir neçə aydır ki, bununla bağlı fəal iş aparır.
İstəyimiz ən yaxşı dizaynerləri, inşaatçıları, memarları bu layihəni öyrənməyə cəlb etməkdir. Əvvəlcə buranı yaxşı öyrənməli, sonra isə yekun qərar verməliyik.
Söhbət, sözün əsl mənasında mərkəzə çevrilə bilən müasir beynəlxalq səviyyəli hava limanının tikintisindən gedir. Bu, tranzit-logistika və müasir sərnişin yönümlü beynəlxalq dərəcəli hava limanı olmalıdır.
Həmçinin, biz “yaxşı terminalların” tikintisi və s.-ni də ətraflı müzakirə edəcəyik və hesab edirəm ki, bu, ölkə üçün çox iddialı, lakin zəruri layihədir”, - deyə İrakli Ğaribaşvili bildirib.
Baş nazirin sözlərinə görə, son illər ərzində Gürcüstanın hava limanlarında sərnişin axını hər il, demək olar ki, 35% artır.
“Gürcüstanın hava limanlarından dünyanın 58 şəhərinə birbaşa uçuşlar və dünyanın 31 ölkəsi ilə müntəzəm hava nəqliyyatımız var. Beləliklə, biz indi araşdırmaya başlayacağıq, dünyanın aparıcı aviasiya konsaltinq şirkətlərini cəlb edəcəyik, çox ətraflı araşdırma aparacağıq və bundan sonra yekun qərarı verəcəyik. Tbilisi və ölkəmiz ən yaxşı hava limanlarından birinə sahib olmalıdır”, - Ğaribaşvili bildirib.
Qısa müddət əvvəl Rusiya prezidenti Vladimir Putinin qərarı ilə Gürcüstandan Rusiyaya istiqamətində də birbaşa uçuşlar bərpa edilib. İlk Moskva-Tbilisi reysini Rusiyanın “Azimut” aviaşirkəti mayın 19-da həyata keçirib, “Red Wings” isə Gürcüstan Aviasiya Agentliyindən Soçi-Tbilisi-Soçi və Moskva-Kutaisi-Moskva marşrutları üzrə uçuşlara icazə alaraq iyun ayında uçuşlara başlayacaq. Moskva istiqamətində Gürcüstanın “Georgian Airways” aviaşirkəti də uçur.
Rusiyanın Ukraynaya hücumundan və müharibənin başlamasından sonra Aİ-yə üzv ölkələr və ABŞ Rusiyadan birbaşa uçuşlara qadağa qoyub.
Bu mövzu haqqında:
"Avropaya Kutaisi vasitəsilə" - Rusiya hökumət mediası uçuşların bərpasından sonra yazır
