Kobaxidzenin sözlərinə görə, prezidentin rus qanununa qarşı şikayətinin “perspektivi olmayacaq”

“Hesab edirəm ki, bu şikayətin heç bir perspektivi olmayacaq. Şəffaflığın pis, hüquqi baxımdan yanlış olduğunu sadəcə olaraq mübahisə etmək mümkün deyil. Bunu sübut etmək sadəcə mümkün deyil. Bu şikayətin müsbət tərəflərindən biri Salome Zurabişvilinin Konstitusiya Məhkəməsinin legitimliyini tanıyaraq səhvə yol verməsidir. Salome Zurabişvilini Konstitusiyanı pozan elan edən məhkəmənin legitimliyi. Bununla da o, ölkədə konstitusiyanı pozan prezidentin olduğunu etiraf edib. Özü də bu faktı etiraf edir, bu çox yaxşıdır.

Şikayətə gəlincə, bir daha deyirəm ki, şəffaflığa qarşı qaldırılan iddianın heç bir, istər hüquqi, istərsə də digər növ perspektivi olmayacaq”, - Kobaxidze jurnalistlərə bildirib.

Konstitusiya Məhkəməsi prezidentin iş üzrə qərar qəbul edilənədək “xarici agentlər” haqqında rus qanununun fəaliyyətinin dayandırılmasını tələb etdiyi şikayəti icraata götürüb.

69 səhifəlik şikayət ərizəsində prezident “xarici təsirin şəffaflığı haqqında” qanunun və onun ayrı-ayrı normalarının konstitusiyanın 6 maddəsinə, o cümlədən ölkənin “Avropa və Avro-Atlantik strukturlara inteqrasiyasına” aid 78-ci maddəsinə zidd olduğunu iddia edir.

Şikayt ərizəsində qeyd edilir ki, xaricdən maliyyələşmə məntiqi olaraq maliyyə alanın “xarici təsir” altında olmasını nəzərdə tutmur və vətəndaş təşkilatlarına və kütləvi informasiya vasitələrinə qarşı məhdudlaşdırıcı tədbirlərə haqq qazandırmaq üçün yetərli deyil, xüsusən də belə maliyyələşdirmə Gürcüstanın üzv olduğu  və ya onun qoşulmağa can atdığı beynəlxalq təşkilatlar tərəfindən həyata keçirilirsə.

Qeyri-hökumət təşkilatları və medialar da rus qanunu Konstitusiya Məhkəməsinə şikayət edərək onun fəaliyyətinin dayandırılmasını tələb ediblər. Onların sözlərinə görə, eyni zamanda Avropa İnsan Haqları Məhkəməsinə təqdim etmək üçün şikayət hazırlayırlar.

Konstitusiya Məhkəməsi şikayətçilərin tələblərini yerinə yetirməsə, rus qanunu sentyabrda tam şəkildə tətbiq olunacaq.