“Vətəndaşlar” partiyasının sədri Aleksandre Elisaşvili Xalq müdafiəçiliyinə namizəd kimi partiyadaşı, deputat Levan İoselyaninin adını çəkib. Elisaşvilinin sözlərinə görə, İoseliani parlamentin 90-dan çox deputatının dəstəyini ala bilər.
Əsas xəbərlər
Oxucunun seçimi
“Bu parlamentdə yalnız bir neçə adam var, bəlkə də bir nəfər var ki, onun ətrafında konsensus mümkündür. Bu, mənim dostum, komanda yoldaşım, partiyamızın liderlərindən biri, 90 və daha çox səs toplamaq bacarığı, bilik və imkanları olan Levan İoselianidir. Mənim və partiyamız üçün nə qədər çətin olsa da, mən Levan İoselianini Xalq Müdafiəçiliyinə namizəd kimi təqdim etməliyəm. Levan siyasətə gəlməmişdən əvvəl hüquqşünas olub və insan haqları onun üçün tanış mövzudur. Onun illərdir məşğul olduğu bununla bağlıdır”, - Elisaşvili fevralın 28-də keçirdiyi mətbuat konfransında bildirib.
Xalq müdafiəçisinin şəffaf seçilməsi və onun aparatının müstəqilliyinin təmin edilməsi Gürcüstanın Aİ üzvlüyünə namizəd statusu əldə etməsi üçün yerinə yetirməli olduğu, Avropa Komissiyası tərəfindən müəyyən edilən 12 tövsiyədən biridir.
“Gürcü arzusu” gələn həftə keçiriləcək əksəriyyət toplantısında Levan İoselianinin namizədliyinin dəstəklənməsi məsələsini müzakirə edəcək. “Əksəriyyət parlamentin Xalq müdafiəçisini seçə bilməsində maraqlıdır. Bu, bizim vəzifəmiz və marağımızdır”, - parlament sədri Şalva Papuaşvili bildirib.
Levan İoselyaninin namizədliyini “Respublikaçılar” lideri Xatuna Samnidze və müstəqil deputat Tamar Kordzaia dəstəkləyir. Samnidze hesab edir ki, İoseliani parlamentdə işlədiyi müddətdə prinsipial məsələlərdə prinsipial mövqe tuta bilib. Kordzaiyanın fikrincə, isə, siyasi kontekst nəzərə alınmaqla, “Vətəndaşlar”ın lideri ən məqbul namizəddir, ona qarşı “Gürcü arzusu”nun heç bir arqumenti olmayacaq.
“Gürcü arzusu” ilə müxalifət arasında konsensus olmadığından Gürcüstanın yeni Xalq Müdafiəçisinin seçilməsi prosesi artıq bir dəfə uğursuz olub. 22 dekabr 2022-ci ildə Parlament Xalq Müdafiəçiliyinə 19 namizədə səs verdi. “Gürcü arzusu”nun üzvləri səsvermədə, “Vahid Milli Hərəkat”ın nümayəndələri isə iclasda iştirak etməyiblər. Qalan müxalifət deputatları arasından ən çox səsi Xalq müdafiəçisinin müavini Giorgi Burcanadze 16, “İnsan Haqları Naminə Tərəfdaşlıq” qeyri-hökumət təşkilatının rəhbəri Ana Abaşidze isə 12 səs toplayıb.
Levan İoseliani 31 oktyabr 2020-ci il parlament seçkiləri nəticəsində parlamentin üzvü olub. 2018-2020-ci illərdə AAP “Gürcüstan Vətəndaş Hərəkatı”nın icraçı direktoru olub, 2008-2016-cı illərdə isə özünün hüquqi şirkəti olub. Levan İoseliani İvane Cavaxişvili adına Tbilisi Dövlət Universitetini hüquq ixtisası üzrə bitirib və Çikaqo Hüquq Vasitəçiliyi Proqramının vasitəçisidir.
Xalq Müdafiəçisi vəzifəsi Nino Lomjariyanın səlahiyyət müddəti bitdikdən bu yana, 8 dekabr 2022-ci il tarixindən boşdur.
