Çoxpartiyalı Demokratiya Mərkəzinin (EECMD) icraçı direktoru Levan Tsutskiridze yeni siyasi hərəkat təsis edib. “Azadlıq Meydanı” “gürcü demokratiyasını xilas etmək və Avropa perspektivini qaytarmaq üçün cəmiyyətin səylərini birləşdirmək” məqsədi daşıyır. Hərəkatın həmtəsisçiləri arasında təhsil üzrə mütəxəssis Rezo Apxazava, politoloq Bakur Kvaşilava, təhlükəsizlik məsələləri üzrə tədqiqatçı Qiorqi Şaişmelaşvili, filoloq Oktay Kazumov, səhiyyə sistemləri üzrə mütəxəssis Davit Qzirişvili, siyasi mütəxəssis İrakli Kobalia və təhsil məsələləri üzrə tədqiqatçı Simon Canaşia var.
Əsas xəbərlər
Oxucunun seçimi
- 1 Hakim Qoridə saxlanlan fəalın işi üzrə bütün istintaq hərəkətlərini qanunsuz hesab edib
- 2 Parlamentin plenar iclasına kvorum olmadığı üçün başlanıla bilməyib
- 3 İyul ayından müəllimlərin maaşları artacaq
- 4 “Gürcü Legionu”nun komandiri Mamuka Mamulaşvili zəhərləndiyini bildirib
- 5 Tələbə hərəkatının lideri Niko Manaqadzeyə TDU yaxınlığında hücum olunub
- 6 ABŞ “Oçneba” üzvlərinə, deputatlarına və polis məmurlarına qarşı viza sanksiyaları tətbiq edib
“Biz “Azadlıq Meydanı” adlı yeni hərəkat təsis edir və siyasi fəaliyyətə başlayırıq. Bunu ona görə edirik ki, Gürcüstan vətəndaşlığının yaşamaq uğrunda mübarizə deyil, qələbə uğrunda mübarizə olduğuna inanırıq. Biz buradayıq, çünki inanırıq ki, bizim birliyimiz demokratiyanın yaşamasına və Avropa gələcəyinə və bu ölkənin inkişafına töhfə verə bilər. Ona görə də hər birimiz özümüzə borc bildiyimizi etməyə borcluyuq. Biz görürük ki, Gürcüstan siyasətinə yeni ideyalar, yeni enerji gətirmək lazımdır. Bu, yalnız vicdanlı, bilikli və vətənpərvər insanları siyasətə cəlb etməklə həyata keçirilə bilər”, - deyə Levan Tsutskiridze “Azadlıq Meydanı”nın təqdimat mərasimində bildirib.
Onun sözlərinə görə, “Gürcü Arzusu”nun siyasəti azadlığı və Avropa gələcəyini məhv etməyə yönəlib, hakim partiya xalqa verdiyi vədlərin heç birini yerinə yetirə bilməyib və “məhz buna görə də demokratiyanı məhv etməyə çalışır, çünki hakimiyyəti qəsb etməkdən başqa, sadəcə olaraq hakimiyyətdə qalmaq şansı yoxdur”.
“Onlar Gürcüstanı Rusiyanın itaətinə qaytarmaq istəyirlər, çünki hökumətin qəsb edilməsi işində müttəfiqi yalnız orada görürlər. Ona görə də rus qanunu ilə demokratiyanı məhv etməyə çalışırlar. Əgər onlar demokratiyanı məhv edə bilsələr, o zaman qalan hər şeyi də asanlıqla məhv edəcəklər”, - Tsutskiridze qeyd edib.
Yeni siyasi hərəkatın təsisçiləri hesab edirlər ki, oktyabrın 26-da keçiriləcək parlament seçkiləri nəticəsində hakimiyyət dəyişməlidir. Onlar prezident Salome Zurabişvilinin partiyalara təklif etdiyi “Gürcü Xartiyası”nı dəstəkləyirlər.
“Hakimiyyət dəyişikliyi 2024-cü ilin oktyabrın 26-da - qələbələrimizin tarixində baş verməlidir. Amma bu, mütləq elə dəyişikliklərə gətirib çıxarmalıdır ki, bunun da nəticəsində artıq “Gürcü Arzusu”nun dəfələrlə etdiyi kimi, heç bir hakimiyyət xalqa verilən sözü qırmağa cürət edə bilməsin.
Hesab edirik ki, bu işdə bizə qarşı olmayan hər kəs bizimlədir. Ona görə də biz baxışımızı, manifestimizi və ruhumuzu bölüşən bütün vətəndaş və siyasi qruplarla əməkdaşlığa hazırıq.
Biz siyasətə siyasi məkanı bölmək üçün deyil, onu birləşdirmək üçün gəlirik”, - deyə Levan Tsutskiridze bildirib.
Təsisçilər Azadlıq Meydanının partiya deyil, siyasi hərəkat olduğunu vurğulayırlar.
