Litva prezidenti Qitanas Nauseda Gürcüstanda baş verən hadisələrə münasibət bildirib və “agentlər haqqında” rus qanununa gəlincə, o bildirib ki, onun qəbulu “rus mədəniyyətinin, rus tipli hərəkət tərzinin gürcü məkanına ötürülməsi” deməkdir.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
“Bu, Gürcüstanı Avropaya inteqrasiya yolunda geriyə sürükləyir. Bunu etməklə əslində geriyə gedəcəklər. Bütün bu siqnallar göndərilib. Gürcüstanın inteqrasiyası dayanacaq və hökümət ağlını başına toplamasa, hətta tənəzzülbaşlaya bilər”, - Litvanın İctimai Yayımçısının bildirdiyinə görə, Qitanas Nauseda Vilnüsdə jurnalistlərə deyib.
Nauseda Gürcüstan vətəndaş cəmiyyətinin öz məqsədlərinə çatacağına ümid edir: “Onlar bu cür cəhdlərə qarşı mübarizə aparmaq əzmindədirlər və bu işdə Avropa onlara kömək etməlidir. Gürcüstanın bu gün şansı var. Odur ki, gəlin Gürcüstana yaşadığı kimi yaşamaq imkanı verək, ən başlıcası, onun vətəndaş cəmiyyətinə hərəkət etmək şansı verək”, - deyə o bildirib.
Bundan başqa, Litva prezidenti Avropa Parlamentinin bəzi üzvlərinin Gürcüstanın Aİ üzvlüyünə namizəd statusunu dayandırmaq çağırışını dəstəkləmir və belə bir addımın vətəndaş cəmiyyətini narahat edəcəyinə inanır:
“Namizəd statusu Avropaya inteqrasiya nərdivanında yalnız bir addımdır. Düşünmürəm ki, Gürcüstanı geri qaytaracaq bir işə başlamalıyam, çünki bu, yəqin ki, hazırda küçələrə çıxan və etiraz edən vətəndaş cəmiyyətində böyük məyusluq yarada bilər”.
3 aprel 2024-cü ildə “Gürcü arzusu” bir il əvvəl minlərlə insanın iştirak etdiyi etiraz aksiyaları nəticəsində geri götürdüyü "xarici agentlər" haqqında rus qanununu, bir daha qəbul etməyəcəyinə söz verməsinə baxmayaraq, təkrardan irəli sürüb. Rus qanununun yenidən qüvvəyə minməsi cəhdləri hakimiyyət tərəfindən bir neçə dəfə dağıdılan kütləvi etirazlarla müşayiət olunub. Hakim partiya repressiv qanununun üçüncü və son oxunuşunu mayın 13-ü həftəsində keçirməyə çalışacaq.
Avropa Parlamentinin 31 üzvü Aİ-nin Xarici Siyasət və Təhlükəsizlik üzrə Ali Nümayəndəsi Cozef Boreli Gürcüstana verilən namizəd statusunun dayandırılması məsələsini və “Gürcü Arzusu”nun qərarlarına cavab olaraq dövlət proqramlarının maliyyələşdirilməsini nəzərdən keçirməyə çağırır. Borel özü dəfələrlə bildirib ki, rus qanunu Avropa İttifaqının dəyərlərinə ziddir və onun “yekun qəbulu Gürcüstanın Aİ yolunda irəliləyişinə mənfi təsir göstərəcək”.
