Լիտվայի նախագահ Գիտանաս Նաուսեդան արձագանքել է Վրաստանում տեղի ունեցող իրադարձություններին և այսպես կոչված «գործակալների մասին» ռուսական օրենքին վերաբերյալ հայտարարել է, որ դրա ընդունումը նշանակում է «ռուսական մշակույթը, ռուսական գործելաոճը վրացական տարածք տեղափոխել»։
Լրահոս
Ընթերցողի ընտրանի
- 1 Կառավարությունը մայիսի 7-ը, 8-ը և 10-ը հայտարարել է ոչ աշխատանքային օրեր
- 2 Սա բռնություն է սահմանադրության նկատմամբ, Իվանիշվիլիի ելույթը սադրիչ էր. Նախագահը՝ դեսպաններին
- 3 Գերմանիան Վրաստանի կառավարությանը կոչ է արել չխոչընդոտել երկրի ուղին դեպի եվրոպական ապագա
- 4 Բիձինա Իվանիշվիլին հրաժարվել է հանդիպել պետքարտուղարի օգնական Ջիմ Օ՛Բրայենի հետ
- 5 «Բոլորը մեկ մարդու նման Ռուսթավելի»․ հանրային ծառայողների մոբիլիզացիան «Երազանքի» հակաակցիայի համար
- 6 Բիձինա Իվանիշվիլիի հակաարևմտյան ուղերձները
«Դա Վրաստանին ետ է մղում եվրաինտեգրման ճանապարհից։ Դրանով նրանք իրականում ետ կգնան։ Այս բոլոր ազդանշաններն ուղարկվում են: Վրաստանի ինտեգրումը կդադարի և կարող է նույնիսկ դեգրադացվել, եթե կառավարությունը խելքի չգա»,- Լիտվայի հանրային հեռարձակողի հաղորդմամբ՝ Վիլնյուսում լրագրողներին ասել է Գիտանաս Նաուսեդան։
Նաուսեդան հուսով է, որ Վրաստանի քաղաքացիական հասարակությունը կհասնի իր նպատակներին. «Նրանք վճռական են պայքարելու նման փորձերի դեմ, և Եվրոպան պետք է օգնի նրանց այդ հարցում։ Վրաստանն այսօր հնարավորություն ունի։ Ուրեմն եկեք Վրաստանին հնարավորություն տանք ապրել այնպես, ինչպես ինքն է ապրում, ինչն ամենակարևորն է, եկեք նրա քաղաքացիական հասարակությանը գործելու հնարավորություն տանք»,- ասել է նա։
Բացի այդ, Լիտվայի նախագահը չի սատարում Եվրախորհրդարանի որոշ անդամների կոչին՝ կասեցնել Վրաստանի՝ ԵՄ անդամակցության թեկնածուի կարգավիճակը, և կարծում է, որ նման քայլը կվրդովեցնի քաղաքացիական հասարակությանը․
«Թեկնածուի կարգավիճակը եվրաինտեգրման սանդուղքի միայն մեկ քայլն է։ Չեմ կարծում, որ ես պետք է սկսեմ մի բան, որը ետ կպահի Վրաստանին, քանի որ դա, հավանաբար, մեծ հիասթափություն կառաջացնի քաղաքացիական հասարակության մեջ, որը ներկայում դուրս է գալիս փողոց և բողոքի ցույցեր անում»։
2024 թվականի ապրիլի 3-ին «Վրացական երազանքը» կրկին օրակարգ բերեց այսպես կոչված «օտարերկրյա գործակալների» մասին ռուսական օրենքը, որը մեկ տարի առաջ, բազմահազարանոց բողոքի ակցիաների արդյունքում ետ կանչվեց, և եղավ խոստում, որ երբեք չի ընդունվի։ Ռուսական օրենքը կրկին ընդունելու փորձերին հաջորդեցին զանգվածային բողոքի ցույցեր, որոնք իշխանությունները մի քանի անգամ ցրեցին։ Իշխող կուսակցությունը մայիսի 13-ի աշխատանքային շաբաթվա ընթացքում երրորդ և վերջին ընթերցմամբ կփորձի ընդունել ռեպրեսիվ օրենքը։
Եվրախորհրդարանի 31 պատգամավորներ կոչ են անում ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեֆ Բորելին դիտարկել Վրաստանի համար թեկնածուի կարգավիճակի կասեցումը և վերանայել պետական ծրագրերի ֆինանսավորումը` ի պատասխան «Վրացական երազանքի» որոշումների։ Ինքը՝ Բորելը, բազմիցս հայտարարել է, որ ռուսական օրենքը հակասում է Եվրամիության արժեքներին, և դրա «վերջնական ընդունումը բացասաբար կանդրադառնա ԵՄ ճանապարհին Վրաստանի առաջընթացի վրա»։
