Moskvadakı hücum nəticəsində həlak olanların sayı 140-a yüksəlib. Səhiyyə naziri Mixail Muraşko bu gün səhhəti son dərəcə ağır olan daha bir yaralının xəstəxanada dünyasını dəyişdiyini açıqlayıb.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 3 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 4 Bu qanun nə Avropa, nə də Amerika qanunudur - Aİ səfiri rus qanunu barədə
- 5 Hakim Çxikvadzeyə qoyulan sanksiyanın götürülüb-götürülməməsi ilə bağlı ABŞ səfirliyindən izahat gözləyirəm - Papuaşvili
- 6 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
Moskvada “Crocus City Hall”na edilən hücum nəticəsində həlak olanların sayı 140-a çatıbRusiya mətbuatının məlumatına görə, tibb müəssisəsində 80 yaralı, o cümlədən altı uşaq qalır. 23 xəstənin vəziyyəti hələ də ağır və ya son dərəcə ağırdır. Artıq 76 nəfər təxliyyə olunub.
“Crocus City Hall” konsert zalında terror aktı cümə günü, martın 22-də baş verib. Silahlı hücumçular konsertə gələn insanlara atəş açıb və binada yanğın başladıblar. Həlak olanların bəziləri yaralardan, əksəriyyəti isə yanğından və tüstüdən həlak olub.
Fövqəladə Hallar Nazirliyi yerlərdə işləri martın 26-da başa çatdırıb. Rusiyanın “Baza” Telegram kanalı terror aktından sonra ən azı 95 nəfərin itkin düşdüyünü bildirir. Yaxınlarının xahişi ilə əməliyyat xidmətlərinin əməkdaşları hücumdan sonra əlaqə saxlamaq mümkün olmayan, ölən və yaralananlar arasında olmayan şəxslərin siyahısını tərtib edib. Başqa bir kanalın məlumatına görə, 100 nəfər itkin düşüb. Hökumət bu məlumatları təsdiqləməyib.
Hücuma görə məsuliyyəti “İslam Dövləti” terror qruplaşması öz üzərinə götürüb. Martın 23-də Rusiya Federal Təhlükəsizlik Xidməti terror aktı ilə bağlı 11 nəfəri həbs edib. Agentliyin məlumatına görə, onlardan 4-ü hücumçudur.
ABŞ Dövlət Departamenti təsdiq edib ki, Rusiya hakimiyyətinə martın əvvəlində konsertlər də daxil olmaqla, böyük toplantılara hücumların mümkünlüyü barədə xəbərdarlıq edib. Martın 7-də ABŞ-ın Moskvadakı səfirliyi öz vətəndaşlarına belə məlumatların olduğunu bildirib və onları böyük yığıncaqlardan uzaq durmağa çağırıb.
Rusiya terror aktını Ukrayna ilə əlaqələndirməyə çalışır. “Bu vəhşilik Kiyevdəki neonasist rejiminin əli ilə 2014-cü ildən ölkəmizə qarşı mübarizə aparanların bir sıra cəhdlərinin sadəcə bir rqolu ola bilər. Məlumdur ki, nasistlər öz məqsədlərinə çatmaq üçün heç vaxt ən çirkli və ən qeyri-insani vasitələrdən istifadə etməkdən imtina etməyiblər”, - Rusiya prezidenti Vladimir Putin bildirib.
Ukrayna hadisə ilə hər hansı əlaqəni inkar edir. Prezident aparatının rəhbərinin müşaviri Mixaylo Podolyak bildirib ki, hücum edənlər və Rusiya xüsusi xidmət orqanlarının səriştəsizliyi ilə bağlı faktlar danılmazdır.
