Mülki fəal Nata Peradze deyir ki, ona və onu müşayiət edən iki nəfərə təxminən on nəfər hücum edib. Hadisə bu gün Diğomi kəndində baş verib.
Əsas xəbərlər
“Biz Diğomi kəndində idik, burada istixana icarəyə götürmək istəyirdik. Çörəkxanaya girdik, çıxanda 25-30 yaşlı bir kişi çox aqressiv və təhqiredici şəkildə qışqırmağa başladı, söyüş söydü ki, ayağımı ora basmayım. Ən əsası, məncə, orada olduğumu bildirmələri idi - buradan heç nə ala bilməzsən dedi. Ona yaxınlıqda “birjada” dayanan on nəfər qoşuldu. Şifahi təhqirlər oldu, amma onlar açıq-aydın söyüş üstündə dava salmaq üçün birlikdə olduğum oğlanları təhrik etməyə çalışırdılar ki, ilk onlar vursunlar. Onlar aktivistdirlər və bilirlər ki, təxribatlara uymamalıdırlar”, - Nata Peradze xatırlayır.
Mülki fəalın sözlərinə görə, o və onunla birlikdə olan iki nəfər maşına minib, bundan sonra hücumçular maşını mühasirəyə alaraq əlləri ilə vurublar.
“Bizi təhrik etmək üçün hər cür cəhd etdilər. Oradaca polisə gedib ifadə verdim. Mənə söz verdilər ki, kamera görüntülərini çıxaracaqlar və görəcəklər ki, kimlər olub. Mən bunu cavabsız qoymayacağam və polisi sona qədər narahat edəcəm, çünki ölkədə linç qaydalarını qanuniləşdirmək fikrində deyiləm”, - Peradze bildirib.
Polis faktla bağlı inzibati icraata başlayıb. Hazırda heç kim saxlanılmayıb.
Yanvarın 9-da Nata Peradze Sameba Kafedralında Sovet diktatoru Stalinin ikonasına boya tökdüyünə görə təhdid və hücuma məruz qalıb. Daha sonra fevralın 2-də hakim Nino Şerbakov onu xırda xuliqanlığa görə cinayətkar kimi tanıyıb və 5 sutka inzibati həbs cəzası verib.
“Bu, Stalinə qarşı təhqir idi, bir saniyə belə peşman olmamışam. Üstəlik, “alt info”ya özlərini göstərirlər ki – burada sizin müqəddəs Stalininizi təhqir etdiyinə görə kimisə həbsə atırıq. Onlar məni həbsxanaya apardıqlarına görə peşman olacaqlar”, - Nata Peradze həbs zamanı deyib.
Rusyönümlü, zorakılıq tərəfdarı “Mühafizəkarlar Hərəkatı/Alt İnfo” partiyası Nata Peradzeyə qarşı cinayət işinin başlanmasını və onun həbsini tələb edib. Yanvarın 13-də parlament qarşısında keçirilən aksiyada partiya liderləri hədələr səsləndiriblər ki, dövlət Peradzeyə ikonanı “təhqir” etdiyinə görə layiqli cavab verməsə, bunu özləri edəcəklər. Bundan əvvəl “Alt İnfo” üzvləri və tərəfdarları mülki fəalın evinin yanına axışaraq onun cəzalandırılmasını tələb ediblər. Nata Peradze ailəsi ilə birlikdə yaşamaq üçün müvəqqəti olaraq başqa yerə köçmək məcburiyyətində qalıb.
