2023-cü ildə Gürcüstanda mənfi miqrasiya saldosu qeydə alınıb. Milli Statistika Xidmətinin verdiyi məlumata görə, mühacirlərin sayı 245 064 nəfər olub ki, bu da 2022-ci illə müqayisədə 95,6% çoxdur, immiqrantların sayı isə 14,5% artaraq 205 857 nəfər olub. Gürcüstanın mühacir və immiqrant vətəndaşlarının sayı arasında fərq 71 584 təşkil edir.
Əsas xəbərlər
Oxucunun seçimi
- 1 Bu qanun nə Avropa, nə də Amerika qanunudur - Aİ səfiri rus qanunu barədə
- 2 “İvanişviliyə offşorlarda gizlədilən əmlakını ölkəyə gətirməyə icazə verilir”, - qanunda nə dəyişir
- 3 BMT Gürcüstanı rus qanunu geri götürməyə çağırır
- 4 Bidzina İvanişvilinin anti-qərb mesajları
- 5 Siz [reaksiyamızı] gözləyə bilərsiniz - Dövlət Departamenti rus qanunu haqda
- 6 Böyük Britaniya da “Gürcü Arzusu” rus qanununu tənqid edir
Ötən il mühacirət edən 245 064 nəfərdən 152 383 nəfəri (62,2%) əmək qabiliyyətli (15-64 yaş qrupu) əhali idi. Mühacirət edənlərin 163 480 nəfəri Gürcüstan, 35 344 nəfəri Rusiya Federasiyası, 7 675 nəfəri Ukrayna, 7 049 nəfəri Türkiyə, 4 537 nəfəri Belarus, 3 274 nəfəri Hindistan, 23 538 nəfəri isə digər ölkələrin vətəndaşıdır.
205 857 immiqrantdan 156 304-ü (75,9%) 15-64 yaş arasındadır. İmmiqrantların 91 896-sı Gürcüstan, 52 627-si Rusiya, 8 624-ü Türkiyə, 8 406-sı Hindistan, 7 516-sı Ukrayna, 3 557-si Belarus, 33 072-si isə digər ölkələrin vətəndaşlarıdır.
"Sakstat"ın verdiyi məlumata görə, ötən il Gürcüstan əhalisi əvvəlki illə müqayisədə 1,1% azalaraq 2024-cü il yanvarın 1-nə olan göstəriciyə əsasən, 3 milyon 694 min 600 nəfər təşkil edib. Mənfi təbii artım müşahidə olunub - 40 214 nəfər doğulub, 42 756 nəfər ölüb.
Gürcüstanın əhalisinin sayı regionlar üzrə aşağıdakı kimidir:
- Tbilisi - 1 258 500
- İmereti - 442 300
- Kvemo Kartli - 436 000
- Acarıstan - 363 200
- Kaxeti - 299 900
- Sameqrelo-Zemo Svaneti - 287 800
- Şida Kartli - 244 100
- Samtsxe-Cavaxeti - 142 100
- Quriya - 101 900
- Mtsxeta-Mtianeti - 92 600
- Raca-Leçxumi və Kvemo Svaneti - 26 200
0-14 yaşlı əhalinin sayı bütün əhalinin 19,5 faizni, əmək qabiliyyətli əhalinin sayı (15-64 yaş qrupu) 64,3 faizni, 65 və yuxarı yaşda olan əhalinin sayı isə 16,2 faiz təşkil edir.
Gürcüstan əhalisinin 48%-ni kişilər, 52%-ni isə qadınlar təşkil edir. "Sakstat"ın verdiyi məlumata görə, cins nisbəti 92-dir, yəni hər 100 qadına 92 kişi düşür.
