Անցյալ տարի Վրաստանի 163 480 քաղաքացի է արտագաղթել երկրից

Նախորդ տարի արտագաղթած 245 064 մարդկանցից 152 383-ը (62․2%) աշխատունակ տարիքի բնակչություն է (15-64 տարիքային խումբ): Արտագաղթողներից 163 480-ը Վրաստանի քաղաքացի է, 35 344-ը՝ Ռուսաստանի, 7 675-ը՝ Ուկրաինայի, 7 049-ը՝ Թուրքիայի, 4 537-ը՝ Բելառուսի, 3 274-ը՝ Հնդկաստանի, 23 538-ը՝ այլ երկրների քաղաքացիներ։

205 857 ներգաղթյալներից 156 304-ը (75,9%) 15-ից 64 տարեկան են։ Ներգաղթյալներից 91 896-ը Վրաստանի քաղաքացի է, 52 627-ը՝ Ռուսաստանի, 8 624-ը՝ Թուրքիայի, 8 406-ը՝ Հնդկաստանի, 7 516-ը՝ Ուկրաինայի, 3 557-ը՝ Բելառուսի, 33 072-ը՝ այլ երկրների քաղաքացիներ։

Սաքստատի տվյալներով՝ անցյալ տարի Վրաստանի բնակչությունը նախորդ տարվա համեմատ նվազել է 1,1%-ով, իսկ 2024 թվականի հունվարի 1-ի դրությամբ այն կազմել է 3 694 600 մարդ։ Նկատվել է բացասական բնական աճ՝ ծնվել է 40 214 մարդ, մահացել՝ 42 756։

Վրաստանի բնակչությունն ըստ տարածաշրջանների հետևյալն է՝

• Թբիլիսի – 1 258 500
• Իմերեթի – 442 300
• Քվեմո Քարթլի – 436 000
• Աջարիա – 363 200
• Կախեթի – 299 900
• Սամեգրելո-Զեմո Սվանեթի – 287 800
• Շիդա Քարթլի – 244 100
• Սամցխե-Ջավախեթի – 142 100
• Գուրիա – 101 900
• Մցխեթա-Մթիանեթի – 92 600
• Ռաճա-Լեչխումի և Քվեմո Սվանեթի – 26 200

0-14 տարեկան բնակչության տեսակարար կշիռն ամբողջ բնակչության մեջ կազմում է 19,5%, աշխատունակ բնակչության (15-64 տարիքային խումբ) տեսակարար կշիռը՝ 64,3%, իսկ 65 և բարձր տարիքի բնակչության տեսակարար կշիռը՝ 16,2% է։

Վրաստանի բնակչության 48%-ը տղամարդիկ են, իսկ 52%-ը՝ կանայք։ Ըստ Սաքստատի՝ սեռերի հարաբերակցությունը 92 է, ինչը նշանակում է, որ յուրաքանչյուր 100 կնոջը բաժին է ընկնում 92 տղամարդ։