2023 წელს საქართველოში უარყოფითი მიგრაციული სალდო დაფიქსირდა. სტატისტიკის ეროვნული სამსახურის მონაცემების მიხედვით, ემიგრანტების რიცხოვნობამ 245 064 შეადგინა, რაც 2022 წელთან შედარებით 95.6%-ით მეტია, ხოლო იმიგრანტების რიცხოვნობა 14.5%-ით გაიზარდა და 205 857 იყო. სხვაობა საქართველოს ემიგრანტ და იმიგრანტ მოქალაქეებს შორის 71 584 მოქალაქეა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
გასულ წელს ემიგრაციაში წასული 245 064 ადამიანიდან 152 383 (62.2%) შრომისუნარიან ასაკში მყოფ მოსახლეობას (15-64 წლის ასაკობრივი ჯგუფი) წარმოადგენს. ემიგრანტებიდან 163 480 საქართველოს მოქალაქეა, 35 344 - რუსეთის ფედერაციის, 7675 - უკრაინის, 7049 - თურქეთის, 4537 - ბელარუსის, 3274 - ინდოეთის, 23 538 ემიგრანტს კი სხვა ქვეყნის მოქალაქეობა აქვს.
205 857 იმიგრანტიდან 156 304-ის (75.9%) ასაკი 15-დან 64 წლამდეა. იმიგრანტებს შორის 91 896-ს საქართველოს მოქალაქეობა აქვს, 52 627 - რუსეთის მოქალაქეა, 8624 - თურქეთის, 8406 - ინდოეთის, 7516 - უკრაინის, 3557 - ბელარუსის, ხოლო 33 072 სხვა ქვეყნის მოქალაქე.
საქსტატის მონაცემებით, გასულ წელს საქართველოს მოსახლეობის რიცხოვნობა, წინა წელთან შედარებით, 1.1%-ით შემცირდა და 2024 წლის 1-ელი იანვრის მდგომარეობით, 3 694 600 ადამიანი შეადგინა. დაფიქსირდა უარყოფითი ბუნებრივი მატება - დაიბადა 40 214 ადამიანი, 42 756 კი გარდაიცვალა.
საქართველოს მოსახლეობის რიცხოვნობა რეგიონების მიხედვით ასეთია:
- თბილისი - 1 258 500
- იმერეთი - 442 300
- ქვემო ქართლი - 436 000
- აჭარა - 363 200
- კახეთი - 299 900
- სამეგრელო-ზემო სვანეთი - 287 800
- შიდა ქართლი - 244 100
- სამცხე-ჯავახეთი - 142 100
- გურია - 101 900
- მცხეთა-მთიანეთი - 92 600
- რაჭა-ლეჩხუმი და ქვემო სვანეთი - 26 200
0-14 წლის მოსახლეობის წილი მთელ მოსახლეობაში 19.5%-ს შეადგენს, შრომისუნარიან ასაკში მყოფი მოსახლეობის წილი (15-64 წლის ასაკობრივი ჯგუფი) - 64.3%-ს, ხოლო 65 წლის და უფროსი ასაკის მოსახლეობის წილი − 16.2%-ს.
საქართველოს მოსახლეობის 48% კაცი, ხოლო 52% - ქალია. საქსტატის განმარტებით, სქესთა რაოდენობრივი თანაფარდობის მაჩვენებელი 92-ს შეადგენს, რაც იმას ნიშნავს, რომ ყოველ 100 ქალზე 92 კაცი მოდის.
