Daxili İşlər Nazirliyinin əməkdaşları parlamentin girişlərini tutublar. Dinc aksiya iştirakçılarına qarşı bibər qazından istifadə edildiyi və onlardan bir neçəsinin zorla həbs edildiyi iddia edilir. Vətəndaşlar Çiçinadze küçəsində, darvazanın qaynaqlandığı girişdə qalırlar. Parlamentin daxili həyətində xüsusi təyinatlıların və “robokoplar”ın səfərbərliyi müşahidə olunur. Səhər saat 09:00-a Hüquq Məsələləri Komitəsində rus qanununun müzakirəsi təyin olunub.
Əsas xəbərlər
Mayın 12-də saat 22:00-dan etibarən parlamentin yanında rus qanununa qarşı dinc etiraz aksiyası keçirilir. Minlərlə vətəndaş gecəni küçələrdə keçirib.
Daxili İşlər Nazirliyi Azadlıq meydanından Rustaveli prospekti istiqamətində “robokoplar” və su reaktiv maşınları yerləşdirib. Nazirlik səhər tezdən aksiyanın təşkilatçılarını və iştirakçılarını qanunverici orqanın girişlərini azad etməyə, deputatlara və aparatın əməkdaşlarına parlament binasına daxil olmaq və deputat səlahiyyətlərini həyata keçirmək imkanı verməyə çağırıb. Əks halda, Daxili İşlər Nazirliyinin bəyanatına görə, polis qanunda nəzərdə tutulmuş səlahiyyətlər çərçivəsində hərəkət edib, parlamentə girişlərin polis qüvvələri tərəfindən təmizlənməsini təmin etməli idi.
“Gürcüstanın Gənc Hüquqşünaslar Assosiasiyası”nın qiymətləndirməsinə görə, parlamentin girişində dayanan nümayişçilər yox, polis olub və Daxili İşlər Nazirliyinin elan etdiyi güc tətbiqinin heç bir faktiki əsası olmayıb.
“Gürcü Arzusu” “xarici agentlər haqqında” rus qanununu bu gün və sabah üçüncü, yekun oxunuşda qəbul edəcək. Bazar ertəsi Hüquq Məsələləri Komitəsinin iclasında müzakirə edilərək dəstəklənib, çərşənbə axşamı isə qanunun plenar iclasa çıxarılması planlaşdırılır.
Mayın 12-də daxili işlər naziri Vaxtanq Qomelauri vətəndaşlara xəbərdarlıq edib ki, parlament binasını bloklamağa cəhd edənlərin hamısı qanunun tam sərtliyi ilə cəzalandırılacaq. Baş nazir İrakli Kobaxidze polisə müraciət edib ki, planlaşdırılan aksiyalarda “Avropa standartından daha yüksək standartlarla” hərəkət etsinlər.
