Ներքին գործերի նախարարության աշխատակիցները գրավել են խորհրդարանի մուտքերը։ Խաղաղ բողոքի ակցիայի մասնակիցների նկատմամբ հավանաբար կիրառվել է պղպեղի սփրեյ, և նրանցից մի քանիսը բռնի ուժով ձերբակալվել է։ Քաղաքացիները մնում են Ճիճինաձեի փողոցի մուտքի մոտ, որտեղ դարպասը եռակցված է։ Խորհրդարանի բակում հատուկ ջոկատայիններ են մոբիլիզացվել։ Առավոտյան ժամը 09:00-ին իրավական հարցերի հանձնաժողովում պետք է սկսվի ռուսական օրենքի քննարկումը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Մայիսի 12-ին ժամը 22:00-ից խորհրդարանի մոտ խաղաղ բողոքի ցույց է ընթանում՝ ընդդեմ ռուսական օրենքի։ Հազարավոր քաղաքացիներ գիշերել են դրսում։
Ներքին գործերի նախարարությունը Ազատության հրապարակից Ռուսթավելիի պողոտայի ուղղությամբ տեղակայել է հատուկ ջոկատայիններ և ջրցան մեքենաներ։ Նախարարությունը վաղ առավոտյան ակցիայի կազմակերպիչներին և մասնակիցներին կոչ է արել ազատել օրենսդիր մարմնի մուտքերը, պատգամավորներին և գրասենյակի աշխատակիցներին հնարավորություն տալ մտնել խորհրդարանի շենք և իրականացնել իրենց պատգամավորական լիազորությունները։ Հակառակ դեպքում, ըստ ՆԳՆ հաղորդագրության, ոստիկանությունը կգործեր օրենքով նախատեսված լիազորությունների շրջանակում և կապահովեր ոստիկանության ուժերի կողմից խորհրդարանի մուտքերի ազատումը։
Վրաստանի երիտասարդ իրավաբանների ասոցիացիայի գնահատմամբ՝ խորհրդարանի մուտքի մոտ կանգնած են եղել ոչ թե ցուցարարները, այլ ոստիկանները, և ՆԳՆ-ի կողմից հայտարարված ուժի կիրառման համար փաստացի հիմք չկար։
«Վրացական երազանքը» այսպես կոչված «օտարերկրյա գործակալների» մասին ռուսական օրենքը պատրաստվում է երրորդ՝ վերջնական ընթերցմամբ ընդունել այսօր և վաղը։ Այսօր այն կքննարկվի իրավական հարցերի հանձնաժողովի նիստում, իսկ երեքշաբթի օրը նախատեսվում է օրենքը քննարկել լիագումար նիստում։
Մայիսի 12-ին ներքին գործերի նախարար Վախթանգ Գոմելաուրին զգուշացրել է քաղաքացիներին, որ բոլոր նրանք, ովքեր կփորձեն արգելափակել խորհրդարանի շենքը, կպատժվեն օրենքի ողջ խստությամբ։ Վարչապետ Իրակլի Կոբախիձեն դիմել է ոստիկանությանը, որպեսզի նախատեսվող ակցիաներին իրավապահները գործեն «եվրոպականից բարձր չափանիշներով»։
