Ermənistanın baş naziri Nikol Paşinyan bildirib ki, İrəvan Dağlıq Qarabağı Azərbaycanın tərkib hissəsi kimi tanımağa hazırdır, lakin Bakı bu ərazidə yaşayan etnik ermənilərin hüquqlarının və təhlükəsizliyinin qorunmasını təmin etməlidir.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 3 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 4 Bu qanun nə Avropa, nə də Amerika qanunudur - Aİ səfiri rus qanunu barədə
- 5 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
- 6 Parlamentə təqdim edilən qanun layihəsi Gürcüstanı Avropa yolundan yayındıracaq - ABŞ rus qanunu haqda
Bu gün, mayın 22-də keçirilən mətbuat konfransında Paşinyan bildirib ki, Ermənistan Azərbaycanın ərazisini 86 600 kv. kilometr kimi tanıyır və bu Dağlıq Qarabağı da əhatə edir.
“Əgər biz bu məsələdə bir-birimizi düzgün başa düşürüksə, o zaman, bəli, Ermənistan, Azərbaycanın 86 600 kv. kilometr olan ərazi bütövlüyünü tanıyır, amma o şərtlə ki, Azərbaycan da Ermənistan ərazisini 29.800 kv. kilometr olan ərazi bütövlüyünü tanısın.
86 600 kv. kilometrə Dağlıq Qarabağı da əhatə edir, lakin qeyd etmək lazımdır ki, Dağlıq Qarabağ erməniləri və onların hüquqları və təhlükəsizliyi məsələsinə Bakı-Stepanakert formatında baxılmalıdır”, - Paşinyan bildirib.
Ermənistanın baş nazirinin sözlərinə görə, erməni tərəfi Bakı ilə Stepanakert (özünü tanımış Dağlıq Qarabağ Respublikasının paytaxtı) arasında danışıqlara beynəlxalq təminatların yaradılmasını vacib hesab edir.
“Biz, məsələn, nəzərə alırıq ki, Dağlıq Qarabağ ermənilərinin hüquqları və təhlükəsizliyi məsələsi sadəcə unudula bilər və Azərbaycan Dağlıq Qarabağ ermənilərinin zorla etnik təmizləmə və soyqırımı siyasətini davam etdirəcək”, - Paşinyan bildirib.
O, bu gün bir daha bildirib ki, Ermənistanın təhlükəsizliyinin təminatı sülhdür, bu, yalnız bütün qonşu dövlətlərlə münasibətlərin tənzimlənməsi ilə mümkündür. Baş nazirin sözlərinə görə, bu, asan proses deyil, amma xalqın istəyidir.
Təxminən 4400 kv. kilometr sahəsi olan Dağlıq Qarabağ beynəlxalq səviyyədə Azərbaycanın bir hissəsi kimi tanınır, lakin, əhalisinin əksəriyyətini etnik ermənilər təşkil edir.
“Bir vaxtlar “Qarabağ Ermənistandır və nöqtə” deyən Ermənistan bu gün bizim “Qarabağ Azərbaycandır və nida işarəsi” sözümüzü deməlidir, əgər “A” deyirdisə, “B” də deməlidir. Alma-Ata Bəyannaməsi əsasında sülh müqaviləsi bağlamağa hazır olduğunu bildirən Ermənistan indi Qarabağın Azərbaycan olduğunu rəsmən bəyan etməlidir", - Azərbaycan Prezidenti 18 aprel tarixli müsahibəsində deyib.
İlham Əliyev deyir ki, Qarabağda yaşayan ermənilər ya Azərbaycan vətəndaşlığını qəbul etməli, ya da yaşamaq üçün başqa yer axtarmalıdırlar.
Mayın 25-də Moskvada Ermənistan, Azərbaycan və Rusiya liderlərinin üçtərəfli görüşü planlaşdırılır.