Հայաստանի վարչապետ Նիկոլ Փաշինյանն ասել է, որ Երևանը պատրաստ է ճանաչել Լեռնային Ղարաբաղը որպես Ադրբեջանի մաս, սակայն Բաքուն պետք է ապահովի այս տարածքում ապրող էթնիկ հայերի իրավունքների պաշտպանությունն ու անվտանգությունը։
Լրահոս
Ակցիաներին 40 հոգու ենք ձերբակալել, ոստիկանի արժանապատվությունը վիրավորողը խստագույնս կպատժվի. Գոմելաուրի
Ինձ տարան հատուկ նշանակության ջոկատի կազմած միջանցքով, որտեղ բոլորը հարվածում էին ինձ ու հայհոյում. Կուպրաձե
Ընթերցողի ընտրանի
- 1 145 հազար ֆիզիկական անձանց հարկային պարտքերը կզրոյացվեն
- 2 Վրաստանի հավաքականը պատմության մեջ առաջին անգամ հանդես կգա Եվրոպայի առաջնությունում
- 3 Հայկական լրատվամիջոցները գրում են սահմանամերձ Ջիլիզա գյուղը Վրաստանին փոխանցելու մասին
- 4 Ղրիմի կամրջի վրա տեղի ունեցած պայթյունի գործով Վրաստանի քաղաքացին Ռուսաստանում կալանավորվել է հեռակա կարգով
- 5 Մոսկվայում տեղի ունեցած հարձակման մեջ կասկածվողների նկատմամբ կալանք է կիրառվել
- 6 Վրաստանը ձևավորվում է որպես կիսակոնսոլիդացված ավտորիտար ռեժիմ. Freedom House
Այսօր՝ մայիսի 22-ին, հրավիրած մամուլի ասուլիսում Փաշինյանն ասել է, որ Հայաստանը ճանաչում է Ադրբեջանի 86 600 քառակուսի կիլոմետր տարածքը, որը ներառում է նաև Լեռնային Ղարաբաղը։
«Եթե այս հարցում մենք ճիշտ ենք հասկանում իրար, ապա Հայաստանը, այո՛, ճանաչում է Ադրբեջանի 86 600 քառակուսի կիլոմետր տարածքային ամբողջականությունը, այն ըմբռնմամբ, որ Ադրբեջանը ճանաչում է Հայաստանի 29 հազար 800 քառակուսի կիլոմետր տարածքը։
86 600 քառակուսի կիլոմետրը ներառում է նաև Լեռնային Ղարաբաղը, սակայն պետք է նշել, որ Լեռնային Ղարաբաղի հայերի և նրանց իրավունքների ու անվտանգության հարցը պետք է քննարկվի Բաքու-Ստեփանակերտ ձևաչափով»,- ասել է Փաշինյանը։
Հայաստանի վարչապետի խոսքով, հայկական կողմը կարևոր է համարում Բաքվի և Ստեփանակերտի (ինքնահռչակ Լեռնային Ղարաբաղի Հանրապետության մայրաքաղաք) միջև բանակցությունների միջազգային երաշխիքների ստեղծումը։
«Նկատի ունենք, օրինակ, որ կարող է Լեռնային Ղարաբաղի հայության իրավունքների և անվտանգության հարցն ուղղակի մոռացության մատնվել, և Ադրբեջանը շարունակի ուժային լծակի գործադրմամբ Լեռնային Ղարաբաղի հայության էթնիկ զտման և ցեղասպանության քաղաքականությունը»,- ասել է Փաշինյանը։
Նա այսօր ևս մեկ անգամ ասել է, որ Հայաստանի անվտանգության երաշխիքը խաղաղությունն է, ինչը հնարավոր է միայն բոլոր հարևան երկրների հետ հարաբերությունները կարգավորելու միջոցով։ Վարչապետի խոսքով՝ սա հեշտ գործընթաց չէ, բայց դա այն է, ինչ ուզում է ժողովուրդը։
Մոտ 4 400 քառակուսի կիլոմետր տարածք ունեցող Լեռնային Ղարաբաղը միջազգայնորեն ճանաչված է որպես Ադրբեջանի մաս, սակայն նրա բնակչության մեծամասնությունը կազմում են էթնիկ հայերը։
«Հայաստանը, որը ժամանակին հայտարարում էր, որ «Ղարաբաղը Հայաստան է և վերջակետ», այսօր պետք է ասի մեր խոսքերը՝ «Ղարաբաղը Ադրբեջան է և բացականչական նշան», եթե նա ասել է «ա», ապա պետք է ասի նաև «բ»։ Հայաստանը, որը պատրաստակամություն է հայտնել խաղաղության պայմանագիր կնքել Ալմա-Աթայի հռչակագրի հիման վրա, այժմ պետք է պաշտոնապես հայտարարի, որ Ղարաբաղը Ադրբեջան է»,- ապրիլի 18-ին տված հարցազրույցում ասել է Ադրբեջանի նախագահը։
Իլհամ Ալիևն ասում է, որ Ղարաբաղում ապրող հայերը կա՛մ պետք է ստանան Ադրբեջանի քաղաքացիություն, կա՛մ ապրելու այլ տեղ փնտրեն։
Մայիսի 25-ին Մոսկվայում նախատեսվում է Հայաստանի, Ադրբեջանի և Ռուսաստանի ղեկավարների եռակողմ հանդիպում։