Ailə üzvləri və vəkillər Gürcüstan prezidenti Salome Zurabişviliyə müraciət edərək Lazare Qriqoriadisin əfv olunmasını xahiş ediblər. Onların ərizəsini bu gün təqsirli hökmü elan edildikdən sonra prezidentin əfv məsələləri üzrə müşaviri Anqi Xutsişvili qəbul edib.
Əsas xəbərlər
“Lazare günahsızdır və xanım Salome bunu bilir, ona iş materialları verilib. Ona görə də düşünürəm ki, o, əfv olunacaq”, - deyə Lazarenin anası Tamta Kalandadze bildirib.
Vəkil Lika Bitadze qeyd edib ki, prezident mənfi qərar çıxarsa, Avropa İnsan Haqları Məhkəməsinə müraciət edəcəklər.
Bu gün, aprelin 12-də Tbilisi şəhər məhkəməsinin hakimi Zviad Şaradze rus qanununa qarşı mart aksiyalarının iştirakçısı Lazare Qriqoriadisinin işi üzrə hökmünü elan edib. Lazare polislərin sağlamlığına zərər vurmaqda və Daxili İşlər Nazirliyinə məxsus avtomobili yandırmaqda təqsirli bilinib. O, 9 il müddətinə azadlıqdan məhrum edilib.
Müdafiə tərəfi hökmün ədalətsiz və qanunsuz olduğunu hesab edir və hakim Zviad Şaradze əsaslandırılmış qərarda hansı dəlillərə əsaslandığını açıqlayacağını bildirir.
“Ənənəvi ittiham üsulu olan polis şahidləri və Lazare Qriqoriadisinin polisə “Molotov kokteyli” atmasının heç bir yerdə görünmədiyi video sübutlar təqdim edilib. Hökm siyasi motivlidir. Biz belə bir qərar gözləyirdik, çünki məhkəmə müstəqil deyil və icraçı hakimiyyətin maraqlarını çox vaxt başqa işlərdə də daşıyır”, - “İnsan Haqları Mərkəzi”nin icraçı direktoru Aleko Tskitişvili bildirib.
21 yaşlı Lazare Qriqoriadisi 2023-cü il martın 29-da həbs edilib. Tbilisi Şəhər Məhkəməsinin ömürlük hakimi olan Zviad Şaradze işə bir ildən artıq müddət ərzində baxıb. Lazare özünü günahkar hesab etmir.
Mart aksiyalarından bir il sonra “Gürcü Arzusu” bir il əvvəl genişmiqyaslı ictimai etirazlar və beynəlxalq təzyiq nəticəsində ləğv etdiyi “Xarici agentlər haqqında” qanun layihəsini “qeyd-şərtsiz” parlamentdən geri götürədüyü barədə söz verdikdən sonra, onu təkrardan geri qaytarıb. Qanun layihəsinin mətni olduğu kimi qalıb – yalnız “xarici təsir agenti” “xarici dövlətin maraqlarını daşıyan təşkilat” ifadəsi ilə əvəz edilib.
