İşğal altında olan Qali bölgəsində yaşayan Gürcüstan vətəndaşı Temur (Vitali) Karbaianın qətli ilə bağlı qondarma prokurorluq tərəfindən axtarışda olan “milis” Davit Kvekveskiri Zuqdididə saxlanılıb.
Əsas xəbərlər
Oxucunun seçimi
- 1 “Gürcü Arzusu” seçkilərdən əvvəl amnistiya elan etməyə hazırlaşır
- 2 Ləğv edilən “laminatlı” şəxsiyyət vəsiqəsi ilə daha bir ay pensiya almaq mümkün olacaq
- 3 “Gürcüstanın Portuqaliya üzərində şanlı qələbəsi” – beynəlxalq media nə yazır
- 4 Gürcüstan Portuqaliyanı məğlub edərək Avropa çempionatının 1/8 finalına yüksəlib
- 5 ABŞ-Gürcüstan hərbi təlimi - “Layiqli Tərəfdaş” qeyri-müəyyən müddətə təxirə salınıb
- 6 “Uçuş zamanı təhlükəsizlik qaydalarının pozulması” - “Su-25”in işi hərbi polis tərəfindən araşdırılır
Daxili İşlər Nazirliyi Kvekveskirinin hakimin qərarı əsasında qanunsuz silah əldə etmək və saxlamaq ittihamı ilə saxlandığını açıqlayıb. “Mtavari Arxi” teleşirkətinin məlumatına görə, Qalidən olan “milis” bir aya yaxın Zuqdididə gizlənib.
Fevralın 9-da qondarma prokurorluq kiçik leytenant Davit Kvekveskiri və daha iki “milis” kapitan Albert Zarakua və leytenant Vianor Abşilavaya qarşı cinayət işi açıb. Onlar qrup tərəfindən ağır nəticələrə səbəb olan qəsdən sağlamlığa ağır zərər vurmaqda və vəzifə səlahiyyətlərindən sui-istifadədə ittiham olunurlar.
Qondarma prokurorluğun məlumatına görə, 2023-cü il dekabrın 6-da Kvekveskiri sərxoş vəziyyətdə olan həbs edilmiş Vitali Karbaianı Qali polis bölməsinə gətirib və orada onun üzərində qanunsuz axtarış aparıb. Axtarışın sonunda Karbaia ona qarşı nalayiq sözlər işlədib, bundan sonra Kvekveskiri onu vurub. İş materiallarına görə, Temur Karbaia Albert Zarakua və Vianor Abşilava tərəfindən də fiziki təzyiqə məruz qalıb.
Qondarma prokurorluqdan bildirildiyi kimi, Temur Karbaianın küt əşya ilə döş qəfəsində xəsarət yetirilib, 4 qabırğası sınıb, sağ gözünün yuxarı və aşağı göz qapaqlarında əzilmiş xəsarətlər müşahidə olunub. Şiddətli şəkildə döyülən Karbaia müvəqqəti saxlama təcridxanasına aparılıb və ertəsi gün sərbəst buraxılıb.
Temur Karbaia dekabrın 9-da bir gün əvvəl Qali Mərkəzi Rayon Xəstəxanasından köçürüldüyü Soxumi xəstəxanasında dünyasını dəyişib.
De-fakto hakimiyyət Zarakua və Abşilavanı fevralın 10-da həbs edib. Qondarma prokurorluq Kvekveskirinin yerinin müəyyənləşdirilməsi istiqamətində əməliyyat-axtarış tədbirlərinin aparıldığını açıqlamışdı.
Gürcüstan Daxili İşlər Nazirliyi Temur Karbaianın işi üzrə istintaqı qəsdən adam öldürmə maddəsi ilə aparırdı.
