Andlı iclasçılar çavuş Roin Şavadzenin qətlində ittiham olunan Ali Baladze və Mamuka Beridze barəsində təqsirli hökmü çıxarılıb. Acara Konstitusiya Təhlükəsizliyi Departamentinin keçmiş rəis müavini Ali Baladze Roin Şavadzenin qanunsuz həbsinin və qətlinin təşkilində, xüsusi təyinatlıların keçmiş zabiti Mamuka Beridze isə qanunsuz həbsdə və qrup şəklində qətldə təqsirli bilinib. Hər iki şəxs 12 il müddətinə azadlıqdan məhrum edilib.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
Tbilisi Şəhər Məhkəməsində qərarın elan edilməsindən sonra məhkumların ailə üzvlərinin etirazları və səs-küy yaranıb, buna görə onlar məhkəmə zalından qovulublar. Ali Baladze və Mamuka Beridzenin həyat yoldaşları iddia edirlər ki, hakimiyyət əsl cinayətkarları qoruyur, çünki onlar hələ də yüksək vəzifələrdə çalışırlar.
Çavuş Roin Şavadze avqustun 16-da, 2008-ci ildə Rusiya-Gürcüstan müharibəsindən bir neçə gün sonra qətlə yetirilib. İttiham tərəfinin versiyasına görə, Milli Qvardiyanın Xüsusi Əməliyyat Dəstəsinin əməkdaşları əsas bölmə rəisinin rəhbərliyi altında Şavadzeni əvvəlcə Batumidə həbs edərək şiddətli şəkildə döyüblər, sonra isə Kobuleti və Quria sərhəddinə aparıblar və onu Kalaşnikov avtomat silahından çoxsaylı atəş açaraq öldürüblər.
Məhkəmə-tibbi ekspertizanın rəyinə əsasən, Roin Şavadzenin bədənində 40-a yaxın güllə yarası olub. Bundan başqa, mərhumun ölümündən əvvəl zorakılıq nəticəsində ona vurulmuş fiziki xəsarətlər, o cümlədən sol baldır sümüyünün, sol bud sümüyünün və qabırğanın sınığı olub. Roin Şavadzenin bədənində yanıq yaralarının izləri də olub və yəqin ki, yandırılmış siqaretin basılması nəticəsində yaranıb. Prokurorluğun məlumatına görə, Roin Şavadzenin qanunsuz həbsi və qətlə yetirilməsi faktını ört-basdır etmək üçün Cinayət Axtarış İdarəsinin əməkdaşları işi saxtalaşdırıblar.
2020-ci ilin noyabrında Avropa İnsan Haqları Məhkəməsi “Şavadze Gürcüstana qarşı” işində Gürcüstan dövləti tərəfindən yaşamaq hüququnun pozulmasını müəyyən edib. Məhkəmənin qiymətləndirməsinə görə, hazırkı hökumətin Şavadzenin ölümünün həbs zamanı onun qaçmasının qarşısını almaq üçün zəruri olan güc tətbiqi nəticəsində baş verdiyini iddia etməsi işdəki sübutlarla uyğun gəlmir. Strasburq Məhkəməsi Gürcüstana effektiv araşdırma aparmağı tapşırıb. Qərarın icrasına və araşdırmanın gedişatınə Avropa Şurasının Nazirlər Komitəsi nəzarət edirdi.
Cinayətdən 15 il sonra ümumilikdə 12 şəxs barəsində cinayət təqibi başlanıb. 2023-cü ilin iyulunda Roin Şavadzenin qanunsuz həbsi, qəsdən adam öldürmə və vəzifə səlahiyyətlərini aşmaq ittihamı ilə 8 nəfər həbs edilib, Acara Polis İdarəsinin hazırkı rəisi Teymuraz Pataridze və xüsusi təyinatlılardan Qiorqi Arabuli barəsində axtarış elan edilib. 2024-cü ilin fevralında Prokurorluq daha iki nəfəri həbs edib. Onların barəsində həbs-qətimkan tədbiri seçilib.
