Ötən gecə Rusiya işğalçı qüvvələri Ukrayna ərazisinə yeni pilotsuz təyyarə hücumu həyata keçirib. Odessa bölgəsinə edilən hücum nəticəsində Dunay sahillərində mövcud olan liman infrastrukturu məhv edilib və ya xeyli zədələnib.
Əsas xəbərlər
Pilotsuz uçuş aparatları İzmail limanına da hücum edib. KİV-in məlumatına görə, iyulun 30-da Rusiyanın “Dənli Bitki Sazişi”ndən çıxmasından sonra ilk dəfə üç yük gəmisi Rusiyanın Qara dənizdə qoyduğu blokadadan NATO təyyarələrinin müşaiyəti altında keçərək İzmail limanından buğda ixrac edib.
Ukrayna Prokurorluğunun məlumatına görə, partlayış nəticəsində yük terminallarından birinin lifti, taxıl anbarları, istehsalat infrastrukturu, anbarlar və inzibati binalar zədələnərək dağılıb. Həmçinin Odessa Mülki Limanının binasına ciddi ziyan dəyib.
İnfrastruktur naziri Aleksandr Kubrakovun sözlərinə görə, ötən gecə endirilən zərbələr nəticəsində Afrika ölkələri, Çin və İsrail üçün nəzərdə tutulan 40 min ton dənli bitki məhv edilib. Ukraynalı nazirin sözlərinə görə, ən çox İzmail limanı zərər görüb.
Ukrayna prezidenti bildirib ki, “Rusiya terrorçuları yenidən limanlara, taxıl anbarlarına hücum edib və bu, dünyanın ərzaq təhlükəsizliyini riskə altında qoyur”. Zelenskinin sözlərinə görə, dünya təcavüzkarın bu addımlarına cavab verməlidir və bu, istənilən qitədə hamı üçün təhlükədir. “Rusiya dayandırılmalıdır”.
Ukrayna Müdafiə Qüvvələrinin Cənub Komandanlığının məlumatına görə, hücumda iştirak edən pilotsuz təyyarələrin ümumi sayı məlum olmasa da, ötən gecə Odessa vilayətində Rusiyaya məxsus 11 pilotsuz uçuş aparatı vurulub. Rusiya Müdafiə Nazirliyi bu barədə açıqlama verməyib.
Bir il əvvəl, iyulun 18-də Rusiya Ukrayna, Rusiya, BMT və Türkiyənin imzaladığı “Dənli Bitki Sazişi”ndən çıxdı. Bu qərarın verilməsindən az sonra işğalçı ölkə Odessa vilayətinin müxtəlif limanlarına aktiv hücumlara başlayıb. Rusiya rəhbərliyi heç bir yük gəmisinin Qara Dəniz vasitəsilə Ukraynadan buğda ixracına icazə verməyəcəklərini bildirib.
