“Vahid Milli Hərəkat”ın sədri Levan Xabeişvili bu gün saat 17:00-dan etibarən siyasi zövqündən asılı olmayaraq bütün vətəndaşları parlament binasının qarşısına toplaşmağa çağırıb.
Əsas xəbərlər
Oxucunun seçimi
“Dünən bir daha bəlli oldu ki, insanların etirazı hansısa siyasi partiyanın, siyasi zövqün etirazı ilə deyil, ölkəmizin Avropa gələcəyi ilə bağlıdır. Yalnız buna görə böyük bir insan qrupu çıxıb “Rus arzusu”nun qərarına etiraz etdi. Qavrilovu gətirən İrakli Kobaxidze ikinci dəfə Qavrilov gecəsini təşkil edib. Əgər indiyə qədər bizdə bir Qavrilov var idisə, mən Kobaxidzeni nəzərdə tuturam, indi Gürcüstan parlamentində Putinçi Rus qanununu imzalayan 76 Qavrilov oturub.
Müxalifət partiyası sədrinin sözlərinə görə, aksiyada heç bir siyasi partiyanın maraqlarından irəli gəlməyən konkret tələblərin olması vacibdir.
“Ona görə də insanların tələblərini səsləndirirəm. Birinci tələb Rus qanunun qeyd-şərtsiz və təcili geri çəkilməsidir, bu o demək deyil ki, bu qanun geri çəkilsə, kimsə deyəcək ki, ruslar daha yoxdur, amma bu rus qanunu ölkənin Avropa gələcəyinə mane olur, Avropa İttifaqının statusa maneədir.
Xalqın birinci əsas tələbi kollektiv Xundadze, Kavelaşvili, Ğaribaşvili, Kobaxidzedir - bu Qavrilov qanunuun dərhal geri çəkilməsidir. Gürcü xalqının ikinci tələbi qeyd-şərtsiz Avropa Birliyi statusudur. Bu iki tələb yerinə yetirilməsə və rus arzusu bunu yerinə yetirməsə, kompromissiz mübarizə olacaq.
Həmçinin saxlanılanların dərhal azad olunması da tələbimizdir. Saxlanılanların hamısı siyasi məhbusdur. Anti-Putinist, anti-Rusiya, Avropayönümlü nümayişdə həbs edilən hər kəsin həbsi qanunsuzdur”.
Martın 7-də Gürcüstan parlamenti “Xarici təsirin şəffaflığı haqqında” Rus qanun layihəsini 13 əleyhinə 76 lehinə səslə birinci dinləmədə qəbul edib. Qanun müstəqil media qurumlarını və vətəndaş cəmiyyəti təşkilatlarını “xarici agent” elan edir və onları məhdudlaşdırmaq və ya bağlamaq üçün bir çox rıçaqlar təqdim edir.
Parlament binası qarşısında rus qanunlarına qarşı keçirilən etiraz aksiyasında, Daxili İşlər Nazirliyi dinc nümayişçilərə qarşı su şırnaqlarından istifadə edib və bir neçə saat fasiləsiz olaraq gözyaşardıcı qaz buraxıb. Çoxlu insan yaralanıb. Gözyaşardıcı qazın buraxılması səbəbindən nümayiş dəfələrlə dağılıb və nəhayət, Rustaveli prospektində Parlamentin ətrafındakı bütün ərazi xüsusi təyinatlılar tərəfindən tutulub. Polis dinc nümayişçiləri küçələrdə təqib edərək həbs edib və həbs zamanı zorakılıq tətbiq edib. Polis 66 nəfəri xırda xuliqanlıq və polisin qanuni tələbinə tabe olmamaq maddələri ilə inzibati qaydada həbs edib. Vəkillərin sözlərinə görə, saxlanılan şəxslər döyülüb.
