Məşhur gürcü alpinist 34 yaşlı Arçil Badriaşvilinin meyiti Svanetidə, Şxelda zirvəsində tapılıb. Bu barədə Daxili İşlər Nazirliyi məlumat yayıb.
Əsas xəbərlər
Oxucunun seçimi
- 1 Məhkəmə MSK-nın mübahisələndirilən qərarını qüvvədə saxlayıb
- 2 Zelenski Kursk vilayətində əməliyyatın əsas vəzifəsi kimi “bufer zonasının yaradılmasını” hallandırıb
- 3 Hökumət Ədliyyə Evi üçün “Arzu” donorundan illik 704 880 lariyə yer icarəyə götürüb
- 4 “Oçneba” konstitusiya çoxluğunu əldə edəcəyi təqdirdə VMH və digər partiyaları ləğv etməklə hədələyir
- 5 Məntəqə komissiyası üzvlərinin funksiyalarının bölgüsü ilə bağlı MSK-nın qərarından məhkəməyə şikayət edilib
“Fövqəladə Halların İdarə Edilməsi Xidmətinin əməkdaşları Svanetinin Şxelda zirvəsində, təxminən 3800 metr yüksəklikdə, qayalıq yamacda itkin düşmüş alpinistin meyitini tapıblar.
Aparılan axtarış-xilasetmə əməliyyatı çərçivəsində alpinistin cəsədi Fövqəladə Halların İdarə Edilməsi Xidmətinin Xüsusi Hallara Reaksiya üzrə Baş İdarəsinin yanğınsöndürən və xilasediciləri tərəfindən müvafiq xüsusi texnika və Sərhəd polisinin helikopteri cəlb olunmaqla təxliyyə olunub və müvafiq prosedurlar həyata keçirilir”, - Daxili İşlər Nazirliyinin bu gün, avqustun 12-də yaydığı bəyanatda deyilir.
Arçil Badriaşvili digər üç alpinistlə Şxelda ekspedisiyasında idi. Onların bildirdiyinə görə, avqustun 10-da onlar zirvədən enərkən hava pisləşib, Arçilin yanına ildırım düşüb və onun dağdan yıxılmasına səbəb olub.
Ekspedisiyadakı dostları elə həmin gün təcili yardıma ehtiyacları olduğunu fövqəladə hallar idarəsinə bildirdilər. Mestia Xilasetmə Xidmətinin əməkdaşları və yerli alpinistlər bildiriş aldıqdan sonra təxminən saat 17-18-də Şxeldaya yola düşüblər, lakin Daxili İşlər Nazirliyinin helikopteri xilasetmə əməliyyatına yalnız ikinci gün, avqustun 11-i səhər saatlarında cəlb edilib. Fövqəladə Halların İdarə Olunması Xidmətinin media ilə əlaqələr üzrə nümayəndəsi “Dağ Xəbərləri”nə bildirib ki, avqustun 10-da axşam saatlarında Svanetidə hava şəraiti pis olub, yağış və dolu yağıb, bu da uçuşu mümkünsüz edib, yerli sakinlər bunu təsdiqləmirlər. Onların dediyinə görə, axşam saatlarında, gecə açılmamış, təxminən üç saat ərzində nə yağış, nə ildırım, nə də duman olub.
Ekspedisiyanın sağ qalan üç üzvü avqustun 11-i səhər saatlarında sağ-salamat Mestiaya gətirilib. Helikopter yarım gündən çox park vəziyyətində qalıb və o, vadiyə ikinci dəfə yalnız aviasiya yanacağı ilə yüklənmiş maşın Svanetiyə gəldikdə və pilotlar təchizatları yüklədikdən sosnra uçub. Daxili İşlər Nazirliyi Svanetiyə gələn helikopterin bir neçə saat dayanmasının səbəbini izah etməyib.
Arçil Badriaşvili alpinizm sahəsində bir çox mühüm mükafatlar alıb. 2022-ci ildə o, Bakar Qelaşvili və Qiorqi Tepnadze “Qızıl Alpinist Çəkici Mükafatı”na layiq görülüblər. Gürcü alpinistləri bu mükafatı 7303 metr hündürlüyündə, indiyədək heç kimin ayaq basmadığı və ən çətin marşrutlardan biri hesab edilən zirvəni fəth etməklə qazanıblar. “Saraqrar Şimal-Qərb” zirvəsi (Saraghrar Northwest) Pakistanın qərbində, Əfqanıstanla sərhədin yaxınlığında yerləşir. 1970-80-ci illərdə zirvəyə qalxmağa cəhd etsələr də, alınmayıb. 2019-cu ildə Arçil Badriaşvili (Qiorqi Tepnadze ilə birlikdə) Pakistanın Qarakorum dağ sisteminin zirvəsi olan, hündürlüyü 8126 metr olan və texniki cəhətdən çətin və qarlı yamaclarla xarakterizə olunan Nanqa Parbat zirvəsinə qalxıb.
